അങ്കമാലി: തുറവൂർ ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ ഞാറ്റുവേല ചന്തയും കർഷക സഭയും വിത്തിടൽ നടത്തി. സുഭിക്ഷ കേരളം പദ്ധതിയുടെ ഭാഗമായി കർഷകർക്കാവശ്യമായ നടീൽ വസ്തുക്കളും പഞ്ചായത്തിന്റെ വിവിധ പ്രദേശങ്ങളിൽ കൃഷി ചെയ്യുവാൻ വേണ്ട നടീൽ വസ്തുക്കളും വിത്തുകളും നൽകി. ഞാറ്റുവേല ചന്തയും നടീൽ ഉദ്ഘാടനവും പഞ്ചായത്ത് പ്രസിഡന്റ് കെ.വൈ വർഗീസ് ഉദ്ഘാടനം ചെയ്തു. വൈസ് പ്രസിഡന്റ് സിൽവി ബൈജു അദ്ധ്യക്ഷയായി. സ്ഥിരം സമിതി അദ്ധ്യക്ഷരായ ജോസഫ് പാറേക്കാട്ടിൽ, എം.എം ജെയ്‌സൺ, പഞ്ചായത്ത് അംഗങ്ങളായ ലത ശിവൻ, ബിന്ദു വത്സൺ, ധന്യ ബിനു, വിൻസി ജോയി, ലിസി മാത്യു, കൃഷി ഓഫീസർ സ്വപ്ന ടി.ആർ എന്നിവർ സംസാരിച്ചു.