പറവൂർ : പറവൂർ ഈഴവസമാജം പുല്ലംകുളം ശ്രീനാരായണ ഹയർ സെക്കൻഡറി സ്കൂളിൽ ഹൈസ്കൂൾ വിഭാഗത്തിനായി പുതിയതായി നിർമ്മിക്കുന്ന മൂന്നുനില കെട്ടിടത്തിന് ഹൈബി ഈഡൻ എം.പി ശിലാസ്ഥാപനം നിർവഹിച്ചു. വി.‌‌ഡി. സതീശൻ എം.എൽ.എ അദ്ധ്യക്ഷത വഹിച്ചു. നഗരസഭ ചെയർമാൻ പ്രദീപ് തോപ്പിൽ, ഈഴവസമാജം സെക്രട്ടറി എം.കെ. സജീവ്, പ്രസിഡന്റ് എൻ.പി. ബോസ്, ട്രഷറർ പി.ജെ. ജയകുമാർ, സ്കൂൾ മാനേജർ പി.എസ്. ഹരിദാസ്, പ്രിൻസിപ്പൽ സി.എസ്. ജാസ്മിൻ, ഹെഡ്മിസ്ട്രസ് ടി.ജെ. ദീപ്തി, നഗരസഭ പ്രതിപക്ഷ നേതാവ് കെ.എ. വിദ്യാനന്ദൻ, കൗൺസിലർമാരായ ജലജ രവീന്ദ്രൻ, സജി നമ്പ്യത്ത്, പി.ടി.എ പ്രസിഡന്റ് ജയപ്രകാശ്, വൈസ് പ്രസിഡന്റ് മേരി പാപ്പച്ചൻ തുടങ്ങിയവർ പങ്കെടുത്തു. മൂന്നുനിലകളിലായി 24 ക്ളാസ് റൂമുകളാണ് നിർമ്മിക്കുന്നത്. ആധുനിക സംവിധാനങ്ങളോടെയുള്ള ഹൈടെക് ക്ളാസ് റൂമുകളും പുതിയ മന്ദിരത്തിലുണ്ടാകും.