മൂവാറ്റുപുഴ: ഹൈടെക് അഗ്രോ സർവീസ് സെന്ററിന്റെ നേതൃത്വത്തിൽ മുവാറ്റുപുഴ ഇ.ഇ.സി മാർക്കറ്റിൽ ആരംഭിച്ച ഞാറ്റുവേല ചന്ത മുൻസിപ്പൽ ചെയർപേഴ്‌സൺ ഉഷ ശശിധരൻ ഉദ്ഘാടനം ചെയ്തു. ബ്ലോക് പഞ്ചായത്ത് ചെയർപേഴ്‌സൺ ലിസി ജോളി അദ്ധ്യക്ഷത വഹിച്ചു. ജില്ലാ പഞ്ചായത്ത അംഗം എൻ.അരുൺ, മുൻസിപ്പൽ സ്റ്റാന്റിംഗ് കമ്മിറ്റി ചെയർപേഴ്‌സൺ ഉമാമത്ത് സലീം, ബ്ലോക്ക് വികസന സ്റ്റാന്റിംഗ് കമ്മിറ്റി ചെയർപേഴ്‌സൺ ജാൻസി ജോർജ്, ഇ.ഇ.സി.മാർക്കറ്റ് ഡപ്യൂട്ടി ഡയറക്ടർ മിനി തോമസ,​ കൃഷി അസിസ്റ്റന്റ് ഡയറക്ടർ ടാനി തോമസ് ,​ ഫെസിലിറ്റേറ്റർ ജോഷി പി. എം എന്നിവർ സംസാരിച്ചു.

മുവാറ്റുപുഴ കാർഷിക മൊത്തവ്യാപാര വിപണിയിടെ കിഴക്കേ അറ്റത്ത് കഴിഞ്ഞ മാസമാണ് കാർഷിക വികസന കർഷക ക്ഷേമ വകുപ്പിന്റെ ആഭിമുഖ്യത്തിൽ ഹൈടെക് അഗ്രോ സർവീസ് സെന്റർ പ്രവർത്തനം ആരംഭിച്ചത്. പന്ത്രണ്ടോളം തരം പച്ചക്കറികൾ, തെങ്ങിൻ തൈ, പ്ലാവ്, റംബുട്ടാൻ, കുളംപുളി, എന്നിവയുടെ ഗ്രാഫ്റ്റുകളും, 14 തരം പച്ചക്കറി വിത്തുകളും മണ്ണിര കമ്പോസ്റ്റ്, വേപ്പിൻ പിണ്ണാക്ക്, സ്യൂഡോ മോണസ്, ഗ്രോ ബാഗ്, കൊക്കോ വിത് എന്നിവ ലഭിക്കും. വരും ദിവസങ്ങളിൽ കുടുതൽ തൈകളെത്തും. കർഷകർക്ക് ആവശ്യമായ വിവിധ കാർഷിക യന്ത്രങ്ങൾ വാടകയക്ക് ലഭ്യമാക്കുന്നതിനും, പച്ചക്കറി തൈകളുടെ ഉത്പാദനം, ഗ്രോ ബാഗ് നിർമ്മാണം, തരിശ് ഭൂമിയിൽ കൃഷിയിറക്കൽ തുടങ്ങിയ നിരവധി സേവനങ്ങളാണ് അഗ്രോ സർവ്വീസ് സെന്ററിന്റെ നേതൃത്വത്തിൽ നടത്തുന്നത്.