കോതമംഗലം: വൃക്കരോഗികളെ സംരക്ഷിക്കുന്നതിനും സഹായിക്കുന്നതിനും വേണ്ടി എന്റെ നാട് ജനകീയ കൂട്ടായ്മ സ്നേഹസ്പർശം പദ്ധതിക്ക് തുടക്കം കുറിച്ചു.സൗജന്യ ഡയാലിസിസ്, മരുന്ന് വാങ്ങുന്നതിനുള്ള സഹായം ഡയാലിസിസിനായി സൗജന്യ വാഹന സൗകര്യം എന്നിവയാണ് ഈ പദ്ധതിയിൽ ഉൾപ്പെടുത്തിയിരിക്കുന്നത്. കോതമംഗലം സെന്റ് ജോസഫ് (ധർമ്മഗിരി) ഹോസ്പിറ്റൽ, നെല്ലിക്കുഴി പീസ് വാലി, വെങ്ങോല കൊയിനോനിയ ഹോസ്പിറ്റൽ എന്നിവരുടെ സഹകരണത്തോടെയാണ് പദ്ധതി നടപ്പിലാക്കുന്നത്. പദ്ധതിയുടെ ഉദ്ഘാടനം സെന്റ് ജോസഫ് ഹോസ്പിറ്റൽ അഡ്മിനിസ്ട്രേറ്റീവ് സിസ്റ്റർ അഭയ നിർവഹിച്ചു. എന്റെ നാട് ചെയർമാൻ ഷിബു തെക്കുംപുറം അദ്ധ്യക്ഷത വഹിച്ചു.ചടങ്ങിൽ സി.കെ. സത്യയൻ, ജോർജ് കുര്യപ്പ്, പി.എ.സോമൻ, എം.യു.ബേബി, സോണി നെല്ലിയാനി, സിസ്റ്റർ ശാലോം,പി പ്രകാശ്, ജോഷി പൊട്ടക്കൽ തുടങ്ങിയവർ സംസാരിച്ചു.