മൂവാറ്റുപുഴ: ജനപ്രതിനിധികളുടേയും ഉദ്യോഗസ്ഥരുടേയും അനാസ്ഥയാണ് മുറിക്കല്ല്‌ ബൈപ്പാസ് പദ്ധതി നീളുന്നതെന്ന് മുൻ എം.എൽ.എ ജോസഫ് വാഴയ്ക്കൻ. മുറിക്കൽ ബൈപ്പാസ് റോഡിന് 50 കോടി രൂപ അനുവദിച്ചത് രണ്ടാം തവണയും നഷ്ടപ്പെട്ടത്തിൽ മൂവാറ്റുപുഴ എം.എൽ.എയുടെയും പി.ഡബ്ല്യു.ഡി ഉദ്യോഗസ്ഥരുടെയും അനാസ്ഥയിൽ പ്രതിഷേധിച്ചും കോൺഗ്രസ്സ് മണ്ഡലം പ്രസിഡണ്ടുമാരുടെ നേതൃത്വത്തിൽ നടന്ന ഏകദിന ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം. ബൈപ്പാസ് റോഡ് യാഥാർത്ഥ്യമാക്കണമെന്ന് അദ്ദേഹം ആവശ്യപ്പെട്ടു.
മണ്ഡലം പ്രസിഡണ്ടുമാരായ സാബു ജോൺ, ജിനു മടേയ്ക്കൽ, കെ.കെ ഉമ്മർ, കെ.എം പരീത്, ജോർജ് തെക്കുംപുറം, കെ.ഒ ജോർജ് എന്നിവരുടെ നേതൃത്വത്തിലാണ് സമരം നടന്നത്. ബ്ലോക്ക് പ്രസിഡന്റ് ഹാജി പി.എസ് സലിം അദ്ധ്യക്ഷത വഹിച്ചു. സാമൂഹിക അകലം പാലിച്ചാണ് സമരം നടന്നത്.യു ഡി എഫ് സംസ്ഥാന സെക്രട്ടറി ജോണി നെല്ലൂർ,കെ.പി.സി.സി ജനറൽ സെക്രട്ടറിമാരയ മാത്യൂ കുഴൽനാടൻ, ജെയ്‌സൻ ജോസഫ്, കെ.പി.സി.സി എക്സിക്യൂട്ടീവ് മെമ്പർമാരായ എ.മുഹമ്മദ്‌ ബഷീർ, പായിപ്ര കൃഷ്ണൻ, ഡി.കെ.ടി.എഫ് പ്രസിഡന്റ് ജോയ് മാളിയേക്കൻ, മിൽമ ചെയർമാൻ ജോൺ തെരുവത്ത്, ഡി.സി.സി വൈസ് പ്രസിഡന്റ് കെ.എം പരീത് ജനറൽ സെക്രട്ടറിമാരായ ഉല്ലാസ് തോമസ്യു, പി. പി എൽദോസ്, യു. ഡി.എഫ് ചെയർമാൻ കെ .എം സലിം, കേരളാ കോൺഗ്രസ് ജേക്കബ് സംസ്ഥാന സെക്രട്ടറി റെജി പി ജോർജ്, മഞ്ഞളൂർ ബ്ലോക്ക് പ്രസിഡന്റ് ജോസ് പെരുമ്പള്ളികുന്നേൽ, ഐ എൻ ടി യു സി ജില്ലാ വൈസ് പ്രസിഡന്റ് പി. എം ഏലിയാസ് എന്നിവർ സംസാരിച്ചു. സമാപന സമ്മേളനം ഡീൻ കുര്യാക്കോസ് എം. പി ഉദ്ഘാടനം ചെയ്തു.