തിരുവനന്തപുരം: ഇന്ധന വിലവർദ്ധന വഴി സംസ്ഥാനത്തിന് ലഭിക്കുന്ന അധിക നികുതി ഉപേക്ഷിച്ച് കൊവിഡ് ദുരിതകാലത്ത് ജനങ്ങളെ സഹായിക്കുന്നതിന് സംസ്ഥാന സർക്കാർ തയ്യാറാകണമെന്ന് വി.എസ്. ശിവകുമാർ എം.എൽ.എ ആവശ്യപ്പെട്ടു. ഇന്ധനവില വർദ്ധനവിനെതിരെയും ഭീമമായ വൈദ്യുതി ബില്ലിനെതിരെയും പ്രതിഷേധിച്ച് കോൺഗ്രസ് വാർഡ് കമ്മിറ്റി ആൾ സെയിന്റ്സ് ജംഗ്ഷനിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. പി. പത്മകുമാർ, വെട്ടുകാട് രാമചന്ദ്രൻ, ഷാജി ഡിക്രൂസ്, വേളി സുരേന്ദ്രൻ, ചന്ദ്രബാബു, ഹാജാ, രാജേഷ് തുടങ്ങിയവർ പങ്കെടുത്തു.