കൊച്ചി: ചൈനയ്ക്കെതിരെ ഇന്ത്യയുടെ വ്യാപാരക്കമ്മി കഴിഞ്ഞ അഞ്ചുവർഷത്തെ ഏറ്രവും കുറഞ്ഞതലത്തിലെത്തി. 2019-20ൽ 4,870 കോടി ഡോളറായാണ് വ്യാപാരക്കമ്മി കുറഞ്ഞത്. ചൈനയിലേക്കുള്ള കയറ്റുമതിയും ചൈനയിൽ നിന്നുള്ള ഇറക്കുമതിയും തമ്മിലെ അന്തരമാണ് വ്യാപാരക്കമ്മി. 2018-19ൽ ഇത് 5,​360 കോടി ഡോളറായിരുന്നു.

കഴിഞ്ഞവർഷം ഇറക്കുമതി ഏഴ് ശതമാനം കുറഞ്ഞ് 6,​500 കോടി ഡോളറിൽ എത്തിയതോടെയാണ് വ്യാപാരക്കമ്മി താഴ്‌ന്നത്. പ്രധാനമന്ത്രി പദത്തിലേക്ക് നരേന്ദ്രമോദി എത്തിയ 2014-15ലേതിന് സമാനമായ വ്യാപാരമാണ് കഴിഞ്ഞ സാമ്പത്തിക വർഷം ചൈനയുമായി നടന്നത്. എന്നാൽ,​ കഴിഞ്ഞവർഷത്തെ വ്യാപാരം 2013-14നെ അപേക്ഷിച്ച് 34 ശതമാനം കൂടുതലുമാണ്. അതേസമയം,​ ചൈനയുമായുള്ള വ്യാപാരം കുറഞ്ഞതോടെ,​ ഇന്ത്യയുടെ ഏറ്റവും വലിയ വ്യാപാര പങ്കാളിയെന്ന പട്ടം അമേരിക്കയ്ക്ക് സ്വന്തമായി. കഴിഞ്ഞവർഷം 8,​200 കോടി ഡോളറിന്റെ വ്യാപാരമാണ് ചൈനയുമായി നടന്നത്. അമേരിക്കയുമായുള്ള വ്യാപാരം 8,​880 കോടി ഡോളറിന്റേതായിരുന്നു.

ചീനക്കച്ചവടം

(ചൈനയുമായുള്ള ഇന്ത്യയുടെ വ്യാപാരം)​

ഇറക്കുമതി

2014-15 : $6,040 കോടി

2016-17 : $6,​130 കോടി

2018-19 : $7,​640 കോടി

2019-20 : $6,​530 കോടി

കയറ്റുമതി

2014-15 : 900 കോടി

2016-17 : $1,​330 കോടി

2019-20 : $1,​660 കോടി