ന്യൂഡൽഹി: ദക്ഷിണേഷ്യൻ രാജ്യങ്ങളുമായുള്ള വ്യാപാരത്തിലും ചൈന ഇന്ത്യയ്ക്ക് കടുത്ത വെല്ലുവിളിയാകുന്നു. 2005ൽ ബംഗ്ളാദേശിന്റെ ഏറ്റവും വലിയ വ്യാപാരപങ്കാളി എന്ന പട്ടം ഇന്ത്യയിൽ നിന്ന് തട്ടിയെടുത്ത ചൈന,​ ഇപ്പോൾ നേപ്പാൾ,​ ശ്രീലങ്ക,​ അഫ്‌ഗാനിസ്ഥാൻ,​ മാലിദ്വീപ് എന്നിവയുമായുള്ള വ്യാപാരവും വർദ്ധിപ്പിക്കുകയാണ്. ചൈന,​ മ്യാൻമർ എന്നിവയുമായി നേരത്തേ തന്നെ ചൈനയ്ക്കാണ് വ്യാപാരം കൂടുതൽ.

2014ലെ കണക്കുപ്രകാരം ദക്ഷിണേഷ്യൻ രാജ്യങ്ങളുമായി ചൈന നടത്തിയ വ്യാപാരം 6,​041 കോടി ഡോളറിന്റേതാണ്. ഇന്ത്യയുടെ വ്യാപാരം 2,​470 കോടി ഡോളർ മാത്രം. 2015ലും 2016ലും ദക്ഷിണേഷ്യൻ വ്യാപാരത്തിൽ ഇന്ത്യയും ചൈനയും ഇടിവ് നേരിട്ടു. 2018ൽ ചൈനയുടെ വ്യാപാരത്തിന്റെ മുഖ്യപങ്കും പാകിസ്ഥാനുമായി ആയിരുന്നു. ഇതൊഴിച്ച് നിറുത്തിയാൽ ദക്ഷിണേഷ്യയിൽ ഇന്ത്യയും ചൈനയും നടത്തിയ വ്യാപാരത്തിന്റെ അകലം 1,​287 കോടി ഡോളർ മാത്രമാണ്.

1,​915 കോടി ഡോളറിന്റെ വ്യാപാരമാണ് 2018ൽ ചൈന പാകിസ്ഥാനുമായി നടത്തിയത്. 299 കോടി ഡോളറിന്റേതായിരുന്നു ഇന്ത്യയും പാകിസ്ഥാനും തമ്മിലെ വ്യാാപരം. ബംഗ്ളാദേശുമായി 1,​874 കോടി ഡോളറിന്റെയും മ്യാൻമറുമായി 1,​529 കോടി ഡോളറിന്റെയും വ്യാപാരം 2018ൽ ചൈന നടത്തി.

വ്യാപാരയുദ്ധം (2018)​

ബംഗ്ളാദേശ്

ഇന്ത്യ : $982 കോടി

ചൈന: $1,​874 കോടി

നേപ്പാൾ

ഇന്ത്യ : $778കോടി

ചൈന: $110 കോടി

ശ്രീലങ്ക

ഇന്ത്യ : $610 കോടി

ചൈന: $461 കോടി

പാകിസ്ഥാൻ

ഇന്ത്യ : $299 കോടി

ചൈന: $1,​915 കോടി

മ്യാൻമർ

ഇന്ത്യ : $175 കോടി

ചൈന: $1,​529 കോടി

അഫ്‌ഗാൻ

ഇന്ത്യ : $124 കോടി

ചൈന: $69 കോടി

ഭൂട്ടാൻ

ഇന്ത്യ : $96 കോടി

ചൈന: $1കോടി

മാലിദ്വീപ്

ഇന്ത്യ : $24 കോടി

ചൈന: $4 കോടി