ന്യൂഡൽഹി: ലോക്ക്ഡൗണിന് മുമ്പത്തെ നിലയിലേക്ക് തിരിച്ചുകയറി ഡിജിറ്റൽ പേമെന്റുകൾ. യൂണിഫൈഡ് പേമെന്റ് ഇന്റർഫേസ് (യു.പി.ഐ)​ വഴിയുള്ള ഡിജിറ്റൽ പേമെന്റുകൾ ലോക്ക്ഡൗൺ മൂലം ഏപ്രിലിൽ 60 ശതമാനം ഇടിഞ്ഞിരുന്നു. 1.51 ലക്ഷം കോടി രൂപ മതിക്കുന്ന 99 കോടി ഇടപാടുകളാണ് ഏപ്രിലിൽ നടന്നത്. എന്നാൽ,​ ജൂണിൽ 28 വരെയുള്ള കണക്കുപ്രകാരം നടന്നത് 142 കോടി ഇടപാടുകളാണ്. മൂല്യം 2.31 ലക്ഷം കോടി രൂപയും. മേയിൽ 2.18 ലക്ഷം കോടി രൂപ മതിക്കുന്ന 123 കോടി ഇടപാടുകളും നടന്നുവെന്ന് നാഷണൽ പേമെന്റ്‌സ് കോർപ്പറേഷൻ ഒഫ് ഇന്ത്യ (എൻ.പി.സി.ഐ)​ വ്യക്തമാക്കി.

ഡെബിറ്ര്/ക്രെഡിറ്ര് കാർഡുകൾ അടിസ്ഥാനമാക്കിയുള്ള പേമെന്റുകൾ ലോക്ക്ഡൗണിന് മുമ്പത്തെ 70-80 ശതമാനത്തിലേക്ക് തിരിച്ചെത്തിയെന്ന് ആക്‌സിസ് ബാങ്ക്,​ കോട്ടക് മഹീന്ദ്ര ബാങ്ക്,​ എസ്.ബി.ഐ കാർഡ്‌സ്,​ ആർ.ബി.എൽ ബാങ്ക് എന്നിവ വ്യക്തമാക്കി.

യു.പി.ഐ ഇടപാടുകൾ

(ലക്ഷം കോടിയിൽ)​

ഫെബ്രുവരി : ₹2.22

ഏപ്രിൽ : ₹1.51

മേയ് : ₹2.18

ജൂൺ : ₹2.31

മുന്നേറുന്ന ഇടപാട്

1. യൂട്ടിലിറ്രി പേമെന്റുകൾ

2. മൊബൈൽ റീചാർജ്

3. ഓൺലൈൻ ഗ്രോസറി

4. ഇ-ഷോപ്പിംഗ്

5. നികുതി അടയ്ക്കൽ