കട്ടപ്പന: ശരീരം തളർന്ന് കിടപ്പിലായ കാഞ്ചിയാർ പേഴുംകണ്ടം സ്വദേശിയായ വീട്ടമ്മയ്ക്ക് ഫ്രണ്ട്‌സ് ഓഫ് കട്ടപ്പനയുടെ നേതൃത്വത്തിൽ വീൽചെയർ നൽകി. കല്ലാർ അതിയാലിപറമ്പിൽ റോസമ്മ ചാക്കോയുടെ സ്മരണാർഥം കുടുംബാംഗങ്ങളാണ് വീൽചെയർ സ്‌പോൺസർ ചെയ്തത്. കുടുംബാംഗങ്ങൾക്കുവേണ്ടി കാഞ്ചിയാർ ഗ്രാമപഞ്ചായത്ത് പ്രസിഡന്റ് വി.ആർ. ശശി വീൽചെയർ ഏറ്റുവാങ്ങി. ഫ്രണ്ട്‌സ് ഓഫ് കട്ടപ്പന ചാരിറ്റി വിഭാഗം ചെയർമാൻ സിജോ എവറസ്റ്റ് അധ്യക്ഷത വഹിച്ചു. ജോഷി മണിമല, എസ്. സൂര്യലാൽ, കാർട്ടൂണിസ്റ്റ് സജിദാസ് മോഹൻ, സൈജോ ഫിലിപ്പ്, റോയി ജോർജ്, മഹേഷ് സോഡിയാക്, ആൽബിൻ, ജോബിൻസ്, അനു സിജോ, ശ്യാമ സൂര്യലാൽ, ശാലിനി എന്നിവർ പങ്കെടുത്തു