കുമളി: സർക്കാർ നൽകിയ ഓൺലൈൻ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളിൽ നിന്നും ഇന്നലെ കേരളത്തിലെത്തിയത് 296 പേർ. 141 പുരുഷൻമാരും 107 സ്ത്രീകളും 48 കുട്ടികളുമാണ് നാട്ടിലെത്തിച്ചേർന്നത്. തമിഴ്‌നാട് 263, തെലുങ്കാന 10, കർണ്ണാടക 19, ആന്ധ്രപ്രദേശ് 1, പോണ്ടിച്ചേരി 3 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേക്കെത്തിയ 177 പേരിൽ മൂന്ന് പേരെ സർക്കാർ നിരീക്ഷണ കേന്ദ്രത്തിൽ പ്രവേശിപ്പിച്ചു.

ഏഴ് പേരെ അതത് ജില്ലകളിൽ ക്രമീകരിച്ചിട്ടുള്ള നിരീക്ഷണ കേന്ദ്രങ്ങളിലേയ്ക്കാണ് അയച്ചത്. ബാക്കിയുള്ള 289 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു.
എമർജൻസി പാസ് വിനിയോഗിച്ച് എത്തി ഉടൻ മടങ്ങുന്നവരായ 139 പേരും ഇന്നലെ അതിർത്തിയിലൂടെ എത്തിയിരുന്നു.