തൊടുപുഴ: സംസ്ഥാന സർക്കാരിന്റെ കൊവിഡ് പ്രതിരോധ പ്രവർത്തനങ്ങളിലെ പാളിച്ചയിലും അഴിമതിയിലും പ്രതിഷേധിച്ച് ഇന്ന് രാവിലെ 11ന് തൊടുപുഴ മിനി സിവിൽ സ്റ്റേഷനു മുമ്പിൽ ബി.ജെ.പി പ്രതിഷേധം നടത്തും. കൊവിഡിന്റെ മറവിൽ നടക്കുന്ന പകൽക്കൊള്ളയ്ക്കെതിരെയും, പ്രതിരോധ പ്രവർത്തനങ്ങളിലെ പാളിച്ചകൾക്കെതിരെയും നടക്കുന്ന സമരം ബി.ജെ.പി സംസ്ഥാന ഉപാദ്ധ്യക്ഷ ഡോ. പ്രമീളാദേവി ഉദ്ഘാടനം ചെയ്യും. ബി.ജെ.പി ജില്ലാ പ്രസിഡന്റ് കെ.എസ്. അജി അദ്ധ്യക്ഷത വഹിക്കും.