കുമളി: സംസ്ഥാന സർക്കാർ നല്കിയ ഓൺലൈൻ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളിൽ നിന്നും ഇന്നലെകേരളത്തിലെത്തിയത് 280 പേർ. 127പുരുഷൻമാരും 116 സ്ത്രീകളും 37 കുട്ടികളുമാണ് നാട്ടിലെത്തിച്ചേർന്നത്. തമിഴ്‌നാട് 233, കർണ്ണാടക 40, തെലങ്കാന 7 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേക്കെത്തിയ 191 പേരെയും ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു. കേരളത്തിലെ മറ്റു ജില്ലകളിലേക്ക് പോകേണ്ട 89 പേരെ അവരവരുടെ നാടുകളിലേക്കും അയച്ചു. ഇവരെ കൂടാതെ എമർജൻസി പാസ് വിനിയോഗിച്ച് എത്തി ഉടൻ മടങ്ങുന്നവരും ഡ്രൈവർമാരും ഉൾപ്പെടെ 20 പേരും ഇന്നലെ കുമളി അതിർത്തിയിലൂടെ സംസ്ഥാനത്ത് എത്തിയിരുന്നു.