ഇടുക്കി: സംസ്ഥാന സർക്കാർ നൽകിയ ഓൺലൈൻ പാസ് മുഖേന കുമളി ചെക് പോസ്റ്റ് വഴി അന്യസംസ്ഥാനങ്ങളിൽ നിന്ന് ഇന്നലെ കേരളത്തിലെത്തിയത് 264 പേർ. 121 പുരുഷൻമാരും 101 സ്ത്രീകളും 42 കുട്ടികളുമാണ് നാട്ടിലെത്തിച്ചേർന്നത്. തമിഴ്‌നാട്- 238, കർണ്ണാടക- 25, മധ്യപ്രദേശ്- 1 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേക്കെത്തിയ 203 പേരിൽ എട്ട് പേരെ നിരീക്ഷണ കേന്ദ്രങ്ങളിലേയ്ക്ക് അയച്ചു. 254 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്ക് അയച്ചു. ഹ്രസ്വ സന്ദർശന പാസ് ഉപയോഗിച്ച് 36 പേരും ഇന്നലെ കുമളി അതിർത്തിയിലൂടെ സംസ്ഥാനത്ത് എത്തിയിരുന്നു.