ഇടുക്കി: ബുധനാഴ്ച്ച 14 പ്രവാസികൾ കൂടി ഇടുക്കിയിലേക്ക് മടങ്ങിയെത്തി. ആറ് രാജ്യങ്ങളിൽ നിന്നായി 10 പുരുഷൻമാരും നാല് സ്ത്രീകളുമാണ് എത്തിയത്. ആരോഗ്യ പരിശോധനകൾക്ക് ശേഷം ഇതിൽ ഏഴ് പേരെ വീടുകളിലും നാല് പേരെ പെയ്ഡ് ക്വാറന്റൈൻ സെന്ററിലും മൂന്ന് പേരെ സർക്കാർ കോവിഡ് കെയർ സെന്ററിലും നിരീക്ഷണത്തിൽ പാർപ്പിച്ചു. നാട്ടിലെത്തിയവരുടെ എണ്ണം താലൂക്ക് അടിസ്ഥാനത്തിൽ: തൊടുപുഴ 5, ദേവികുളം 1, ഇടുക്കി 2, ഉടുമ്പൻചോല 2, പീരുമേട് 3. ബഹ്‌റിനിൽ നിന്നെത്തിയ ഒരു തമിഴ്‌നാട് തഞ്ചാവൂർ സ്വദേശിനിയും ഇടുക്കിയിലാണ് ക്വാറന്റെനിൽ കഴിയുന്നത്.