കുമളി: ഓൺലൈൻ പാസ് മുഖേന കുമളി ചെക്ക് പോസ്റ്റു വഴി ഇതര സംസ്ഥാനങ്ങളിൽ നിന്നും ഇന്നലെ കേരളത്തിലെത്തിയത് 218 പേർ. തമിഴ്‌നാട് 207, കർണ്ണാടക 7, ആന്ധ്രപ്രദേശ് 4 എന്നിങ്ങനെയാണ് എത്തിച്ചേർന്നവരുടെ എണ്ണം. ഇതിൽ ഇടുക്കി ജില്ലയിലേക്കെത്തിയ 148 പേരിൽ 3 പേരെ നിരീക്ഷണകേന്ദ്രങ്ങളിലും ബാക്കിയുള്ളവരെ വീടുകളിൽ നിരീക്ഷണത്തിൽ കഴിയാനും അയച്ചു.
196 പേരെ കർശന ഉപാധികളോടെ ഹോം ക്വാറന്റെയിൻ നിർദേശിച്ച് വീടുകളിലേയ്ക്കും 22 പേരെ നിരീക്ഷണ കേന്ദ്രങ്ങളിലേയ്ക്കും അയച്ചു. ഹ്രസ്വ സന്ദർശന പാസ് ഉപയോഗിച്ച് 23 പേരും ഇന്നലെ കുമളി അതിർത്തിയിലൂടെ സംസ്ഥാനത്ത് എത്തിയിരുന്നു.