കണ്ണൂർ: ജില്ലയിൽ 10 പേർക്ക് ഇന്നലെ കൊവിഡ് സ്ഥിരീകരിച്ചതായി ജില്ലാ കളക്ടർ അറിയിച്ചു. ഇവരിൽ നാലുപേർ വിദേശരാജ്യങ്ങളിൽ നിന്നും ആറ് പേർ മുംബൈയിൽ നിന്നും എത്തിയവരാണ്.
ജൂൺ ആറിന് മസ്‌കറ്റിൽ നിന്നെത്തിയ വേങ്ങാട് സ്വദേശി 53കാരൻ, ജൂൺ 12ന് കുവൈറ്റിൽ നിന്നെത്തിയ മേലെചൊവ്വ സ്വദേശി 55കാരി, ജൂൺ ഒന്നിന് അബുദാബിയിൽ നിന്നെത്തിയ കീഴല്ലൂർ സ്വദേശി 32കാരൻ, ജൂൺ 11ന് കുവൈറ്റിൽ നിന്നെത്തിയ ചപ്പാരപ്പടവ് സ്വദേശി 32 കാരൻ എന്നിവരാണ് വിദേശത്തു നിന്ന് എത്തിയവർ. ജൂൺ ഒൻപതിന് മംഗള എക്സ്പ്രസിൽ കണ്ണൂരിലെത്തിയ ഇരിക്കൂർ സ്വദേശികളായ 62കാരി, 36കാരി, 46 കാരൻ, രണ്ടുവയസ്സുകാരി, പത്തുവയസ്സുകാരി, ജൂൺ 13 ന് സ്‌പെഷ്യൽ ട്രെയിനിൽ വന്ന ചപ്പാരപ്പടവ് സ്വദേശി 21കാരി എന്നിവരാണ് മുംബൈയിൽ നിന്നു വന്നവർ. ഇതോടെ ജില്ലയിൽ കോവിഡ് ബാധിതരുടെ എണ്ണം 309 ആയി. ഇതിൽ 198 പേർ രോഗം ഭേദമായി ആശുപത്രി വിട്ടു.
ഇവരിൽ 21 പേർ ഇന്നലെയാണ് ഡിസ്ചാർജ് ആയത്. അഞ്ചരക്കണ്ടി ജില്ലാ കോവിഡ് ട്രീറ്റ്‌മെന്റ് സെന്ററിൽ ചികിത്സയിലായിരുന്ന കടമ്പൂർ സ്വദേശി 20കാരൻ, മാലൂർ സ്വദേശി 27കാരൻ, മേക്കുന്ന് സ്വദേശി 24കാരൻ, കോട്ടയം മലബാർ സ്വദേശി 70 കാരൻ, പയ്യന്നൂർ കോറോം സ്വദേശി 45കാരി, മുഴപ്പിലങ്ങാട് സ്വദേശി 45കാരൻ, ചെറുവാഞ്ചേരി സ്വദേശി 50 കാരൻ, പെരിങ്ങളം സ്വദേശി 67കാരൻ, പാനൂർ സ്വദേശി 64കാരൻ, കക്കാട് സ്വദേശി 65കാരൻ, പാച്ചപൊയ്ക സ്വദേശി 45കാരൻ, പുളിയനമ്പ്രം സ്വദേശി 34 കാരൻ, മാങ്ങാട്ടിടം സ്വദേശി 32കാരൻ, ഏച്ചൂർ സ്വദേശി 36കാരൻ, മാലൂർ സ്വദേശി 59കാരൻ, മാലൂർ സ്വദേശി 58കാരി, മമ്പ്രം സ്വദേശി 44 കാരൻ, കോട്ടയം മലബാർ സ്വദേശി 38കാരി, കുറ്റ്യാട്ടൂർ സ്വദേശി 41കാരൻ, വെള്ളൂർ സ്വദേശി 55കാരൻ, മൊറാഴ സ്വദേശി 20 കാരൻ എന്നിവരാണ് രോഗം ഭേദമായി ആശുപത്രി വിട്ടത്.
ജില്ലയിൽ നിലവിൽ 13926 പേരാണ് നിരീക്ഷണത്തിലുള്ളത്. ഇതുവരെ 10566 സാംപിളുകൾ പരിശോധനയ്ക്ക് അയച്ചതിൽ 10317 എണ്ണത്തിന്റെ ഫലം വന്നു. ഇതിൽ 9705 എണ്ണം നെഗറ്റീവാണ്. 249 എണ്ണത്തിന്റെ ഫലം ലഭിക്കാനുണ്ട്.