ക​ണ്ണൂ​ർ: ക​ണ്ണൂ​ർ ജി​ല്ല​യി​ൽ കൊ​വി​ഡ് റി​പ്പോ​ർ​ട്ട് ചെ​യ്തി​ട്ട് നൂ​റു ദി​വ​സം തി​ക​യു​മ്പോൾ സ്ഥിതി കൂടുതൽ ഗുരുതരാവസ്ഥയിലേക്ക് നീങ്ങുകയാണ്. സമൂഹവ്യാപനത്തിന്റെ സൂചനയെ തുടർന്ന് നഗരം പൂ‌ർണമായും അടച്ചിട്ടുവെങ്കിലും ജനങ്ങളുടെ ഒഴുക്ക് നിയന്ത്രിക്കാൻ കഴിയാത്ത അവസ്ഥയാണ്. ഇ​നി​യു​ള്ള ദി​വ​സ​ങ്ങ​ളി​ൽ കൊ​വി​ഡി​ന് എ​തി​രാ​യ പോ​രാ​ട്ട​ത്തി​ൽ കൂ​ടു​ത​ൽ ജാ​ഗ്ര​ത ആ​വ​ശ്യ​പ്പെ​ടു​ക​യാ​ണ് ആ​രോ​ഗ്യ​വ​കു​പ്പ്.

മാ​ർ​ച്ച് 12നാ​ണ് ജി​ല്ല​യി​ൽ ആ​ദ്യ കൊ​വി​ഡ് കേ​സ് റി​പ്പോ​ർ​ട്ട് ചെ​യ്യു​ന്ന​ത്. ഇ​തു​വ​രെ ജി​ല്ല​യി​ൽ 332 പേ​ർ​ക്കാ​ണ് വൈ​റ​സ് ബാ​ധി​ച്ച​ത്. ഇ​തി​ൽ 204 പേ​ർ രോ​ഗം ഭേ​ദ​മാ​യി ആ​ശു​പ​ത്രി​വി​ട്ട​ത് ആ​ശ്വാ​സം പ​ക​രു​ന്നു. ഇ​തു​വ​രെ നാ​ലു​പേ​രാ​ണ് മ​ര​ണ​മ​ട​ഞ്ഞ​ത്. ‌

ഇ​തി​ൽ ഏ​റെ വ്യ​ത്യ​സ്ത​മാ​യി​രു​ന്നു കഴിഞ്ഞദിവസമുണ്ടായ എ​ക്സൈ​സ് ഉ​ദ്യോ​ഗ​സ്ഥ​ന്റെ മ​ര​ണം. അ​ദ്ദേ​ഹ​ത്തി​ന് മ​റ്റു രോ​ഗ​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ല. 28 വ​യ​സുണ്ടായിരുന്ന ഈയാൾക്ക് എ​വി​ടെ നി​ന്നാ​ണ് രോ​ഗം ബാ​ധി​ച്ച​തെ​ന്ന് വ്യ​ക്ത​വുമ​ല്ല.

രോ​ഗ​ബാ​ധി​ത​നാ​യി ദി​വ​സ​ങ്ങ​ൾ​ക്കു​ള്ളി​ലാ​യി​രു​ന്നു മ​ര​ണം. അ​തു​കൊ​ണ്ടു​ത​ന്നെ സം​ഭ​വ​ത്തി​ൽ വി​ദ​ഗ്ധ​പ​രി​ശോ​ധ​ന ന​ട​ത്താ​ൻ സ്പെ​ഷാ​ലി​റ്റി ഡോ​ക്ട​ർ​മാ​രു​ടെ പ്ര​ത്യേ​ക​സം​ഘ​ത്തെ നി​യോ​ഗി​ച്ചി​രി​ക്കു​ക​യാ​ണ് ആ​രോ​ഗ്യ​വ​കു​പ്പ്. കൂ​ടു​ത​ൽ തീ​വ്ര​സ്വ​ഭാ​വ​മു​ള്ള വൈ​റ​സ് ബാ​ധി​ച്ച​താ​കാം അ​ദ്ദേ​ഹ​ത്തെ പെ​ട്ടെ​ന്നു​ള്ള മ​ര​ണ​ത്തി​ലേ​ക്ക് ന​യി​ച്ച​തെ​ന്ന നി​ഗ​മ​ന​ത്തി​ലാ​ണ് ആ​രോ​ഗ്യ​വ​കു​പ്പ്.

ഭൂരിഭാഗത്തിനും ലക്ഷണമില്ല

കൊവിഡ് ബാധിതരുടെ എണ്ണം നിയന്ത്രണാതീതമായി കൂടുന്നതിനു പുറമെ പലർക്കും ലക്ഷണങ്ങൾ വൈകിമാത്രം കണ്ടു തുടങ്ങുന്നതും ആരോഗ്യ വിദഗ്ധരെ കുഴക്കുന്നുണ്ട്. ഒളിച്ചു കളിക്കുന്ന കൊവിഡിന്റെ ഉറവിടം കണ്ടെത്താനുള്ള തീവ്രശ്രമത്തിലാണ് ആരോഗ്യവകുപ്പ്. വി​ദേ​ശ​ത്തു നി​ന്നും മ​റ്റ് സം​സ്ഥാ​ന​ങ്ങ​ളി​ൽ നി​ന്നും ആ​ളു​ക​ൾ എ​ത്താ​ൻ തു​ട​ങ്ങി​യ​തോ​ടെ​യാ​ണ് കൂ​ടു​ത​ൽ സ​മ്പ​ർ​ക്ക കേ​സു​ക​ൾ റി​പ്പോ​ർ​ട്ട് ചെ​യ്തി​ട്ടു​ള്ള​ത്.

ലക്ഷണമില്ലാതെ രോഗം 63.5 %

​ല​ക്ഷ​ണം കണ്ടത് 36.5 %