കണ്ണൂർ: വിദേശത്ത് നിന്നും അന്യസംസ്ഥാനങ്ങളിൽ നിന്നുമെത്തിയവരിൽ പുതുതായി രോഗബാധ റിപ്പോർട്ട് ചെയ്യപ്പെട്ടതിനെ തുടർന്ന് ജില്ലയിലെ ആറ് തദ്ദേശ സ്ഥാപന വാർഡുകൾ കൂടി കണ്ടെയിൻമെന്റ് സോണുകളായി ജില്ലാ കളക്ടർ പ്രഖ്യാപിച്ചു. മട്ടന്നൂർ- 28, മുണ്ടേരി- 11, കുറുമാത്തൂർ- 10, കരിവെള്ളൂർ പെരളം- നാല്, ചെറുകുന്ന്- ഒന്ന്, പെരിങ്ങോം വയക്കര- ഏഴ് വാര്‍ഡുകളാണ് പുതുതായി കണ്ടെയിൻമെന്റ് സോണിൽ ഉൾപ്പെടുത്തിയത്. നേരത്തേ കണ്ടെയിൻമെന്റ് സോണിൽ ഉൾപ്പെട്ടിരുന്ന ഇരിട്ടി-9, കോട്ടയം മലബാർ-നാല്, മാങ്ങാട്ടിടം-നാല്, മാട്ടൂല്‍-14, പയ്യന്നൂർ-44, ഉദയഗിരി-രണ്ട്, തലശ്ശേരി-14, കടന്നപ്പള്ളി പാണപ്പുഴ-മൂന്ന്, കാങ്കോൽ ആലപ്പടമ്പ- ആറ് എന്നീ വാർഡുകളെ പട്ടികയിൽ നിന്ന് ഒഴിവാക്കി.