കോഴിക്കോട്: സംസ്ഥാന ഭവന നിർമ്മാണ ബോർഡിന് കീഴിൽ കോഴിക്കോട് കോവൂരിൽ സ്ഥിതി ചെയ്യുന്ന അത്താണി വാടക വീട് പദ്ധതിയിൽ വിധവകൾ, വിവാഹ മോചിതരായ വനിതകൾ എന്നിവർക്കായി സംവരണം ചെയ്ത നാല് ഫ്ളാറ്റുകൾ ഒഴിവുണ്ട്. വിദൂര സ്ഥലങ്ങളിൽ നിന്ന് നഗര പരിധിയിൽ ജോലി ചെയ്യുന്ന പാവപ്പെട്ട തൊഴിലാളികൾക്ക് നിശ്ചിത കാലത്തേക്ക് വാടകയ്ക്ക് നൽകുമെന്ന് എക്സിക്യൂട്ടീവ് എൻജിനീയർ അറിയിച്ചു. താത്പര്യമുളള വ്യക്തികൾക്ക് അപേക്ഷിക്കാം. സംസ്ഥാന ഭവന നിർമ്മാണ ബോർഡിന്റെ ചക്കോരത്തുകുളത്തുളള ഓഫീസിൽ നിന്ന് 10 മുതൽ 19 വരെ 10.30 നും 3.30 നും ഇടയിൽ അപേക്ഷാ ഫോം ലഭിക്കും. വിവരങ്ങൾക്ക് 0495 2369545.