മുക്കം: ചേന്നമംഗല്ലൂർ സ്വദേശി പാണക്കോട്ടിൽ മുഹമ്മദ് അഷ്‌റഫ് (50) സൗദി അറേബ്യയിലെ ജുബൈൽ ജനറൽ ആശുപത്രിയിൽ നിര്യാതനായി. ശ്വാസകോശ സംബന്ധമായ ചികിത്സയിലായിരുന്നു. ഏതാനും ദിവസം മുമ്പ് തലകറക്കം അനുഭവപ്പെട്ടതോടെ ആശുപത്രിയിൽ പ്രവേശിപ്പിച്ചതായിരുന്നു.
പരേതനായ പണക്കോട്ടിൽ സയ്യിദ് മുഹമ്മദിന്റെയും ഖദീജയുടെയും മകനാണ്. ഭാര്യ: ഷറീന (ഓമശ്ശേരി). മക്കൾ: അഫ്‌ലഫ് ( ബി.ബി.എ വിദ്യാർത്ഥി), അഫ്‌ത്താബ് (ഓമശ്ശേരി പ്ലസന്റ് ഇംഗ്ലിഷ് മീഡിയം സ്‌കൂൾ പത്താംതരം വിദ്യാർത്ഥി ). സഹോദരങ്ങൾ: പാണക്കോട്ടിൽ ഹാമീദലി, ജമീല, അബ്ദുൽ ജബ്ബാർ (ഖത്തർ), റസിയ, സൽമ, ജാഫർ.