വടകര: ഭക്ഷ്യക്ഷാമം പരിഹരിക്കുന്നതിനുള്ള സുഭിക്ഷ കേരളം കാർഷിക വികസന പദ്ധതി വടകര സഹകരണ റൂറൽ ബാങ്കിൽ തുടക്കമായി. ഒഞ്ചിയം പഞ്ചായത്തിലെ വെള്ളികുളങ്ങരയിൽ ഒഞ്ചിയത്തടത്തിൽ ദാമോദരകുറുപ്പിന്റെ ഉടമസ്ഥതയിലുള്ള പുത്തൻ പുരക്കലിലാണ് വിത്തിറക്കിയത്. നടീൽ കർമ്മം ഒഞ്ചിയം പഞ്ചായത്ത്‌ പ്രസിഡന്റ്‌ പി.പി. കവിത നിർവഹിച്ചു. ബാങ്ക് പ്രസിഡന്റ്‌ എ.ടി. ശ്രീധരൻ അദ്ധ്യക്ഷത വഹിച്ചു. ഡയറക്ടർമാരായ കെ.എം. വാസു, എ.കെ. ശ്രീധരൻ, സി. കുമാരൻ, വാർഡ് മെമ്പർ ബേബി ഗിരിജ, അസിസ്റ്റന്റ് ഡയറക്ടർ സാബു ജോസഫ്, അഗ്രിക്കൾച്ചറൽ ഓഫീസർ പി.ടി. സന്ധ്യ, സീമ, ടി. വി ജിതേഷ്, നാരായണൻ എന്നിവർ സംസാരിച്ചു. വൈസ് പ്രസിഡന്റ്‌ പി.പി. ചന്ദ്രശേഖരൻ സ്വാഗതവും ബാങ്ക് സെക്രട്ടറി കെ.പി. പ്രദീപ്‌കുമാർ നന്ദിയും പറഞ്ഞു.