കൽപ്പറ്റ: ജില്ലയിൽ രണ്ട്‌പേർക്ക് കൂടി കൊവിഡ് ബാധ സ്ഥിരീകരിച്ചു. ബംഗളുരുവിൽ നിന്ന് ജൂൺ പതിനാറാം തീയതി ജില്ലയിൽ എത്തിയ വെങ്ങപ്പള്ളി സ്വദേശിയായ 24 കാരനും ജൂൺ 20ന് രോഗം സ്ഥിരീകരിച്ച് ജില്ലാ ആശുപത്രിയിൽ ചികിത്സയിലുള്ള മൂപ്പൈനാട് സ്വദേശിയായ ഏഴ് വയസ്സുകാരന്റെ അമ്മയ്ക്കുമാണ് (33 വയസ്) സാമ്പിൾ പരിശോധന പൊസിറ്റീവ് ആയതിനെ തുടർന്ന് ആശുപത്രിയിൽ പ്രവേശിപ്പിച്ചത്.

അതേസമയം രണ്ട് പേർ കൂടി രോഗമുക്തരായി. മെയ് 27 ന് ആശുപത്രിയിൽ പ്രവേശിപ്പിച്ച പനമരം സ്വദേശിയായ 53 കാരനും ജൂൺ 4 ന് അഡ്മിറ്റ് ചെയ്യപ്പെട്ട ഗൂഡല്ലൂർ സ്വദേശി 47 കാരിയുമാണ് രോഗം ഭേദമായി ആശുപത്രി വിട്ടത്.

ജില്ലയിൽ നിന്ന് ഇതുവരെ പരിശോധനയ്ക്ക് അയച്ച 2821 ആളുകളുടെ സാമ്പിളുകളിൽ 2426 ആളുകളുടെ ഫലം ലഭിച്ചതിൽ 2375 നെഗറ്റീവും 51 ആളുകളുടെ സാമ്പിൾ പോസിറ്റീവുമാണ്. 392 സാമ്പിളുകളുടെ ഫലം ലഭിക്കുവാൻ ബാക്കിയുണ്ട്.

സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയിൽ നിന്നും ആകെ 4147 സാമ്പിളുകൾ പരിശോധനയ്ക്കായി അയച്ചിട്ടുണ്ട് .ഇതിൽ ഫലം ലഭിച്ച 3660 ൽ 3635 നെഗറ്റീവും 25 പോസിറ്റീവുമാണ്.

217 പേർ നിരീക്ഷണ കാലം പൂർത്തിയാക്കി

ഇന്നലെ 272 പേർ നിരീക്ഷണത്തിൽ

നിലവിൽ 3585 പേർ നിരീക്ഷണത്തിൽ

38 പേർ മാനന്തവാടി ജില്ലാ ആശുപത്രിയിൽ

1603 പേർ വിവിധ കൊവിഡ് കെയർ സെന്ററുകളിൽ