കൽപ്പറ്റ: ജില്ലയിൽ രണ്ട് പേർക്ക് കൂടി കൊവിഡ് സ്ഥിരീകരിച്ചു. ഹൈദരാബാദിൽ നിന്ന് ജില്ലയിലെത്തി വീട്ടിൽ നിരീക്ഷണത്തിലായിരുന്ന നൂൽപ്പുഴ സ്വദേശിയായ 41 കാരനും 12 ന് ദുബൈയിൽ നിന്ന് ജില്ലയിലെത്തിയ മേപ്പാടി സ്വദേശിയായ 36 കാരനുമാണ് രോഗം സ്ഥിരീകരിച്ചത്. ഇരുവരും മാനന്തവാടി ജില്ലാ ആശുപത്രിയിൽ ചികിൽസയിലാണ്.

നിലവിൽ രോഗം സ്ഥിരീകരിച്ച് 29 പേർ ജില്ലാ ആശുപത്രിയിലും ഒരാൾ കോഴിക്കോട് മെഡിക്കൽ കോളേജിലും ചികിത്സയിലുണ്ട്.
ജില്ലയിൽ നിന്ന് ഇതുവരെ പരിശോധനയ്ക്ക് അയച്ച 2884 സാമ്പിളുകളിൽ 2501 ആളുകളുടെ ഫലം ലഭിച്ചതിൽ 2448 നെഗറ്റീവും 53 പോസിറ്റീവുമാണ്. 431 സാമ്പിളുകളുടെ ഫലം ലഭിച്ചിട്ടില്ല. സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയിൽ നിന്ന് ആകെ 4255 സാമ്പിളുകൾ പരിശോധനയ്ക്ക് അയച്ചിട്ടുണ്ട്. ഇതിൽ ഫലം ലഭിച്ച 3660 ൽ 3635 നെഗറ്റീവും 25 പോസിറ്റീവുമാണ് .

ഇന്നലെ നിരീക്ഷണത്തിലായത് 244 പേർ

ജില്ലയിൽ 3631 പേർ നിരീക്ഷണത്തിൽ

33 പേർ ജില്ലാ ആശുപത്രിയിലും

1599 വിവിധ കോവിഡ് കെയർ സെന്ററുകളിലും

198 പേർ ഇന്നലെ നിരീക്ഷണകാലം പൂർത്തിയാക്കി