കൽപ്പറ്റ: ജില്ലയിൽ അഞ്ച് പേർക്ക് കൂടി കൊവിഡ് 19 സ്ഥിരീകരിച്ചു. ജൂൺ 23ന് ഡൽഹിയിൽ നിന്ന് ജില്ലയിലെത്തി വീട്ടിൽ നിരീക്ഷണത്തിൽ കഴിയുകയായിരുന്ന 62 കാരൻ, ജൂൺ പതിനാലിന് മുംബൈയിൽ നിന്ന് ജില്ലയിൽ എത്തി വീട്ടിൽ നിരീക്ഷണത്തിൽ കഴിഞ്ഞിരുന്ന മൂപ്പൈനാട് സ്വദേശികളായ ഒമ്പത് അംഗ കുടുംബത്തിലെ പത്തു വയസ്സുകാരി, 28 കാരി, 56 കാരി, 65 കാരൻ എന്നിവർക്കാണ് രോഗം സ്ഥിരീകരിച്ച് ജില്ലാ ആശുപത്രിയിൽ പ്രവേശിപ്പിച്ചത്. ഈ കുടുംബത്തിലെ ഏഴ് വയസ്സുള്ള കുട്ടിയ്ക്കും അമ്മയ്ക്കും കഴിഞ്ഞ ദിവസങ്ങളിലായി രോഗം ബാധിച്ചിരുന്നു.
നിലവിൽ രോഗം സ്ഥിരീകരിച്ച് 33 പേരാണ് മാനന്തവാടി ജില്ലാ ആശുപത്രിയിൽ ചികിത്സയിൽ കഴിയുന്നത്. മൂന്നുപേർ കോഴിക്കോട് മെഡിക്കൽ കോളേജിലും ചികിത്സയിലുണ്ട്.

40 പേർ മാനന്തവാടി ജില്ലാ ആശുപത്രിയിലും, പട്ടികവർഗ്ഗ വിഭാഗത്തിൽപ്പെടുന്ന 344 പേർ ഉൾപ്പെടെ 1639 പേർ വിവിധ കോവിഡ് കെയർ സെന്ററുകളിലുമാണ് നിരീക്ഷണത്തിൽ കഴിയുന്നത്.

സാമൂഹ്യ വ്യാപനം നടന്നിട്ടുണ്ടോ എന്ന് പരിശോധിക്കുന്നതിന്റെ ഭാഗമായി ജില്ലയിൽ നിന്നും 4418 സാമ്പിളുകൾ പരിശോധനയ്ക്കായി അയച്ചിട്ടുണ്ട് .ഇതിൽ ഫലം ലഭിച്ച 3786 ൽ 3756 എണ്ണം നെഗറ്റീവാണ്.

ഇതോടെ ജില്ലയിലെ കോവിഡ് ബാധിതരുടെ എണ്ണം 86 ആയി. ഇതിൽ 48 പേർ രോഗമുക്തരായി ആശുപത്രി വിട്ടിരുന്നു.

ഇന്നലെ നിരീക്ഷണത്തിലായത് 252 പേർ

ജില്ലയിൽ നിരീക്ഷണത്തിൽ 3626 പേർ

283 പേർ നിരീക്ഷണ കാലം പൂർത്തിയാക്കി

പരിശോധനയ്ക്ക് അയച്ചത് 2994 സാമ്പിളുകൾ

ഫലം ലഭിച്ചത് 2515 പേരുടെ

2462 ഫലം നെഗറ്റീവ്, 56 പൊസിറ്റീവ്

ഫലം ലഭിക്കുവാനുള്ളത് 474 സാമ്പിളുകൾ