കോഴിക്കോട്: എസ്. എസ്. എൽ. സി പരീക്ഷാഫലം പുറത്തുവന്നപ്പോൾ ഭാരതീയ വിദ്യാനികേതൻ കീഴിലുള്ള ജില്ലയിലെ നാല് ഹൈസ്‌കൂളുകളിലും നൂറു ശതമാനം വിജയം. നന്മണ്ട സരസ്വതി വിദ്യാമന്ദിർ ഇ.എം. എച്ച്.എസ്, കോട്ടൂളി സരസ്വതി വിദ്യാമന്ദിരം ഇ. എം. എച്ച്. എസ്, പന്തീരാങ്കാവ് സരസ്വതി വിദ്യാനികേതൻ, രാമനാട്ടുകര നിവേദിത വിദ്യാപീഠം എന്നീ സ്‌കൂളുകളാണ് തുടർച്ചയായി നൂറു ശതമാനം വിജയം കൈവരിച്ചത്. നന്മണ്ട സരസ്വതി വിദ്യാമന്ദിർ ഇ. എം. എച്ച്. എസ് തുടർച്ചയായ 16-ാം വർഷമാണ് നൂറു ശതമാനം വിജയം നേടുന്നത്. പരീക്ഷ എഴുതിയ 39 പേരും വിജയിച്ചു. 24 പേർ മുഴുവൻ വിഷയങ്ങളിലും എ പ്ലസ് നേടി. കോട്ടൂളി സരസ്വതി വിദ്യാമന്ദിരം ഇ. എം. എച്ച്. എസ് തുടർച്ചയായ അഞ്ചാം വർഷമാണ് നൂറുശതമാനം വിജയം നേടുന്നത്. പരീക്ഷ എഴുതിയ 29 പേരും വിജയിച്ചു. ഏഴ് പേർ ഫുൾ എ പ്ലസ് നേടി.
പന്തീരാങ്കാവ് സരസ്വതി വിദ്യാനികേതൻ സ്‌കൂൾ തുടർച്ചയായ അഞ്ചാം വർഷത്തിലും നൂറു ശതമാനം വിജയം നേടി. പരീക്ഷ എഴുതിയ 30 കുട്ടികളും വിജയിച്ചപ്പോൾ ആറു പേർ മുഴുവൻ വിഷയ ങ്ങളിലും എ പ്ലസ് നേടി. രാമനാട്ടുകര നിവേദിത വിദ്യാപീഠവും തുടർച്ചയായ അഞ്ചാം വർഷമാണ് നൂറു ശതമാനം വിജയം നേടുന്നത്. പരീക്ഷ എഴുതിയ 19 പേരും വിജയിച്ചു. നാലു പേർ മുഴുവന്‍ വിഷയങ്ങളിലും എ പ്ലസ് നേടി.