വൈക്കം : ഓൺലൈൻ പഠനസൗകര്യം വഴിമുട്ടുമോ എന്ന് ആശങ്കയിൽ കഴിഞ്ഞ വെസ്​റ്റ് ഗവ. ഹൈസ്‌കൂളിലെ ഒൻപതാം ക്ലാസ് വിദ്യാർത്ഥി അഭിജിത്തിന് നഗരസഭ 21-ാം വാർഡ് കോൺഗ്രസ് കമ്മി​റ്റി എൽ.ഇ.ഡി ടി.വി നൽകി.
ടി.വി വാങ്ങാൻ മാർഗമില്ലാതെ വിഷമിക്കുകയായിരുന്നു ഇടപ്പറമ്പിൽ ഉദയന്റേയും ജിജിയുടെയും മകൻ അഭിജിത്ത്. രോഗം മൂലം ചികിത്സയിൽ കഴിയുകയാണ് ഉദയൻ. ബ്ലോക്ക് കോൺഗ്രസ് പ്രസിഡന്റ് അക്കരപ്പാടം ശശി അഭിജിത്തിന് ടി.വി കൈമാറി. ബൂത്ത് കമ്മി​റ്റി പ്രസിഡന്റ് പ്രീത രാജേഷ്, ഇടവട്ടം ജയകുമാർ, ബി.ചന്ദ്രശേഖരൻ,വി.അനൂപ്, എം.ടി.അനിൽകുമാർ, വൈക്കം ജയൻ, സന്തോഷ് ചക്കനാടൻ, കെ. എൻ. ദേവരാജൻ, ബി. ബാബു, പി. ഡി. സന്തോഷ് എന്നിവർ പങ്കെടുത്തു.