വൈക്കം : ലോട്ടറി ടിക്കറ്റുകളുടെ വർദ്ധിപ്പിച്ച വില പിൻവലിക്കണമെന്നാവശ്യപ്പെട്ട് ഓൾ കേരള ലോട്ടറി ഏജന്റ്‌സ് ആൻഡ് സെല്ലേഴ്‌സ് കോൺഗ്രസ് ഐ.എൻ.ടി.യു.സിയുടെ നേതൃത്വത്തിൽ ലോട്ടറി വൈക്കം സബ് ഓഫീസിന് മുന്നിൽ ധർണ്ണ നടത്തി. സംസ്ഥാന ജനറൽ സെക്രട്ടറി പി.വി.പ്രസാദ് ഉദ്ഘാടനം ചെയ്തു. താലൂക്ക് പ്രസിഡന്റ് ജോർജ്ജ് വർഗ്ഗീസ് അദ്ധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡന്റ് അക്കരപ്പാടം ശശി, ഐ.എൻ.ടി.യു.സി ജില്ലാ സെക്രട്ടറി ഇടവട്ടം ജയകുമാർ, ടി.ഡി. സുധാകരൻ, സന്തോഷ് ചക്കനാടൻ, തോമസ് മഠത്തിൽ, കെ. സത്യൻ, ഗ്രേസി, എൻ. എസ്. ബാബു, പൊന്നമ്മ എന്നിവർ പ്രസംഗിച്ചു.