വൈക്കം : ഓൺലൈൻ പഠനത്തിന് സൗകര്യമില്ലാതെ വിഷമിച്ച നിർദ്ധന കുടുംബാംഗമായ കെ.പി.എം.എസ് 1353-ാം നമ്പർ വൈക്കം ടൗൺ ശാഖാ അംഗമായ ആശ്രമം സ്‌കൂളിലെ അഞ്ചാം ക്ലാസ് വിദ്യാർത്ഥിനി അമൃതയ്ക്ക് യൂണിയന്റെ നേതൃത്വത്തിൽ എൽ. ഇ. ഡി. ടി.വി നൽകി. സംസ്ഥാന സെക്രട്ടേറിയേ​റ്റംഗം അഡ്വ.എ.സനീഷ് കുമാർ ടി.വി കൈമാറി. യൂണിയൻ ജോ.കൺവീനർ പി.സി.വിജയൻ അദ്ധ്യക്ഷത വഹിച്ചു. ജില്ലാ സെക്രട്ടറി കെ.യു. അനിൽ, ട്രഷറർ ബാബു എറയന്നൂർ, യൂണിയൻ കൺവീനർ കെ. അശോകൻ, അഖിൽ കെ.ദാമോദരൻ, ആർ.ബാലചന്ദ്രൻ, ബാബു വടക്കേമുറി, ശ്രീദേവി അനിരുദ്ധൻ എന്നിവർ പങ്കെടുത്തു.

.