പാലാ : പൊന്നൊഴുകുംതോടിന് സമീപം കൈത്തോട്ടിൽ കാൽവഴുതി വീണ തെരേസ എന്ന ഒന്നര വയസുകാരിയെ രക്ഷിച്ച ആനന്ദ് സുബാഷ്, നിഖിൽ മാത്യു, ഡയോൺ നോബി, റെയോൺ നോബി എന്നീ വിദ്യാർത്ഥികളെ ജോസ് കെ.മാണി എം.പി നേരിട്ടെത്തി ആദരിച്ചു. ഇത്തരം അനുമോദന ചടങ്ങുകൾ കുട്ടികൾക്ക് പ്രോത്സാഹനവും സമൂഹത്തിന് വലിയ സന്ദേശവും നൽകും. കുട്ടികളുടെ ധീരമായ പ്രവർത്തനം കേന്ദ്ര-സംസ്ഥാന സർക്കാരുകളുടെ ശ്രദ്ധയിൽ കൊണ്ടുവരുമെന്നും അദ്ദേഹം പറഞ്ഞു. പാമ്പാടി ബ്ലോക്ക് പഞ്ചായത്ത് പ്രസിഡന്റ് മാത്തച്ചൻ താമരശേരി അദ്ധ്യക്ഷത വഹിച്ചു. യൂത്ത്ഫ്രണ്ട് സംസ്ഥാന പ്രസിഡന്റ് സാജൻ തൊടുക, പഞ്ചായത്തംഗങ്ങളായ തോമി കപ്പിലുമാക്കൽ, ലൗലി ടോമി, ജോണി പനച്ചിക്കൽ, സൈനു കുന്നത്തുപുരയിടം, സിൽസൺ പതിപ്പള്ളിൽ, തോമസ് ആയിലുകുന്നേൽ എന്നിവർ പ്രസംഗിച്ചു. കുട്ടികൾക്ക് സമ്മാനങ്ങളും വിതരണം ചെയ്തു.