കോട്ടയം : വൈ.എം.സി.എ മുൻ ദേശീയ പ്രസിഡന്റ് തയ്യിൽ കണ്ടത്തിൽ കെ. ജോൺ ചെറിയാൻ (75) നിര്യാതനായി. വൈ.എം.സി.എയുടെ സംസ്ഥാന, ദേശീയ, രാജ്യാന്തര നേതൃനിരയിൽ ദീർഘകാലം പ്രവർത്തിച്ച ജോൺ ചെറിയാൻ ഏഷ്യ ആൻഡ് പസിഫിക് അലയൻസ് ഒഫ് വൈ.എം.സി.എ (എ.പി.എ.വൈ)യുടെ ട്രഷററായ ആദ്യ ഇന്ത്യക്കാരനാണ്. എ.പി.എ.വൈയുടെ സമാധാനം, ലോക പൗരത്വം, സാമൂഹിക പുനർനിർമാണം എന്നിവയ്ക്ക് വേണ്ടിയുള്ള സ്ഥിരം സമിതിയുടെ അദ്ധ്യക്ഷനായിരുന്നു. യുവജന വികസന പ്രവർത്തനങ്ങൾക്ക് എ.പി.എ.വൈ ഫെലോഷിപ്പും നേടിയിട്ടുണ്ട്. ഏഴു തവണ കോട്ടയം വൈ.എം.സി.എയുടെ പ്രസിഡന്റായി. എം.ആർ.എഫ് സീനിയർ പർച്ചേസ് മാനേജരായും സേവനമനുഷ്ഠിച്ചു. ഭാര്യ : സാറാക്കുട്ടി (ചെറായി മഴുവഞ്ചേരി പറമ്പത്ത് കുടുംബാംഗം) മക്കൾ: റെബേക്ക, ചെറിയാൻ ജോൺ (ആമസോൺ, ബംഗളുരു). മരുമക്കൾ: തോമസ് മാത്യു ഇലഞ്ഞിക്കൽ (ക്യാപ്മിനി, ഹൈദരാബാദ്), മറിയ മാത്യു (പൊട്ടൻകുളം കുടുംബാംഗം).