കോട്ടയം: ഇല്ലിക്കൽ പാറപ്പാടത്ത് വീട്ടമ്മയെ തലയ്ക്കടിയേറ്റ് മരിച്ച നിലയിൽ കണ്ടെത്തി. വെട്ടേറ്റു പരിക്കേറ്റ ഭർത്താവ് ഗുരുതരവാസ്ഥയിൽ. വീട്ടിലെ പാചകവാതകം തുറന്നു വിട്ടിട്ടുണ്ട്. ഷീബ സാലിയെയാണ് (55) മരിച്ച നിലയിൽ കണ്ടെത്തിയത്. ഭർത്താവ് അബ്ദുൾ സാലിയെ ഗുരുതര നിലയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഷീബയുടെ ശരീരത്തിൽ വയർ കെട്ടി വച്ചിട്ടുണ്ട്.

ഭർത്താവ് അബ്ദുൾ സാലി അബോധവാസ്ഥയിലാണ്. വീട്ടിലുണ്ടായിരുന്ന കാറും കാണാതായിട്ടുണ്ട്. മോഷണശ്രമമാണ് സംഭവത്തിന് പിന്നിലെന്ന് സംശയിക്കുന്നു. ഇന്നലെ രാത്രിയാണ് സംഭവം നടന്നതെന്നാണ് സംശയം. അല്‍പം മുൻപാണ് സംഭവം പുറംലോകം അറിഞ്ഞത്. വൻ പൊലീസ് സംഘം സ്ഥലത്തെത്തി.