മുംബയ് : പ്രമുഖ ഹിന്ദി സീരിയൽ താരത്തിനും ഏഴുകുടുംബാംഗങ്ങൾക്കും കൊവിഡ്. യേ രിഷ്ത ക്യാ കഹലാതെ ഹെ എന്ന സീരിയലിലെ താരമായ മോഹേന കുമാരി സിംഗിനും കുടുംബത്തിനുമാണ് കൊവിഡ് സ്ഥിരീകരിച്ചത്. താനും കുടുംബത്തിലെ ഏഴുപേർക്കും കൊവിഡ് സ്ഥിരീകരിച്ചതായി നടി തന്നെയാണ് അറിയിച്ചത്.

ആശുപത്രിയിൽ ചികിത്സയിലാണെന്നും നടി ഒരു ദേശീയമാദ്ധ്യമത്തോട് വിശദമാക്കി. നേരിയ ലക്ഷണങ്ങൾ മാത്രമാണുള്ളതെന്നും ഇവർ വ്യക്തമാക്കി. ഉടൻ രോഗം ഭേദമാകുമെന്നാണ് പ്രതീക്ഷയെന്നും നടി പ്രതികരിച്ചു. ഉത്തരാഖണ്ഡ് മന്ത്രിയുടെ മകനുമായി കഴിഞ്ഞ ഒക്ടോബറിലാണ് നടിയുടെ വിവാഹം കഴിഞ്ഞത്.റിഷികേശിലെ അപ്പോളോ ആശുപത്രിയിലാണ് മോഹേനയും കുടുംബവും ചികിത്സ തേടിയിട്ടുള്ളത്. ചികിത്സയിൽ രണ്ടാമത്തെ ദിവസമാണ് ഇതെന്നും മോഹേന പറയുന്നു. ഇവരുടെ വീട്ടുജോലിക്കാരെ ക്വാറന്റൈനിലാക്കി.