ന്യൂഡൽഹി : കൊവിഡ് സ്ഥിരീകരിച്ചതിനെ തുടർന്ന് ഹരിയാനയിൽ ആത്മഹത്യക്ക് സ്രമിച്ച് മലയാളി നഴ്സ് മരിച്ചു. ഹരിയാനയിലെ ഗുരുഗ്രാമിലെ ഗുഡ്ഗാവ് മെദാന്ത സ്വകാര്യ ആശുപത്രിയിലെ നഴ്സായ പുനലൂർ സ്വദേശി ബിസ്മി സ്കറിയയാണ് മരിച്ചത്. മേയ് 28നാണ് രോഗം മൂർച്ഛിച്ചതിനെ തുടർന്ന് ഗുരുഗ്രാമിലെ താമസ സ്ഥലത്തെ വീട്ടിനുള്ളിലെ കിടപ്പ് മുറിയിൽ ഇവർ തൂങ്ങിമരിക്കാൻ ശ്രമിച്ചത്. സംഭവം അറിഞ്ഞ സമീപവാസികളെത്തി താഴെയിറക്കിയ യുവതിയെ ആശുപത്രിയിൽ പ്രവേശിപ്പിക്കുകയായിരുന്നു.