‘അങ്കമാലി ഡയിറീസ്’, ‘വെളിപാടിന്റെ പുസ്തകം’ തുടങ്ങിയ നിരവധി മലയാള ചിത്രങ്ങൾക്കും, തമിഴിൽ വളരെ നിരൂപക പ്രശംസ നേടിയ ‘ഓട്ടോ ശങ്കർ’ എന്ന പ്രോജക്ടിനു ശേഷം ശരത്ത് അപ്പാനി പുതിയ ചിത്രവുമായി എത്തുന്നു. എമിക്കോ ഫിലിംസിന്റെ ബാനറിൽ, നവാഗതരായ വിനോദ് വിക്രമനും ഷൈജു തമ്പനും ചേർന്നൊരുക്കുന്ന ‘ചുങ്കം കിട്ടിയ ആട്ടിൻ കൂട്ടം‌' എന്ന സിനിമയിൽ തികച്ചു വ്യത്യസ്തമായ കഥാപാത്രത്തെയാണ് ശരത് അവതിരിപ്പിക്കുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്റർ പുറത്തുവിട്ടു. ട്രാവൽ മൂഡിൽ അണിയിച്ചൊരുക്കുന്ന ഈ സിനിമ ഉടൻ ചിത്രീകരണം ആരംഭിക്കും.