ന്യൂഡൽഹി:ഡൽഹിയിലെ സി.ആർ.പി.എഫ് ക്യാമ്പുകൾക്ക് നേരെ ഭീകരാക്രമണ ഭീഷണിയെന്ന ഇന്റലിജന്റ്സ് റിപ്പോർട്ടിനെതുടർന്ന് രാജ്യതലസ്ഥാനത്ത് സുരക്ഷ ശക്തമാക്കി. കനത്ത ജാ​ഗ്രത പുലർത്താൻ സൈനികർക്ക് ഉന്നത ഉദ്യോ​ഗസ്ഥർ നിർദ്ദേശം നൽകി.

ജമ്മു കാശ്മീരിൽ സുരക്ഷാഭടന്മാർക്ക് നേരെ ഭീകരാക്രമണങ്ങൾ നിരന്തരം ഉണ്ടായിക്കൊണ്ടിരിക്കുന്ന സാഹചര്യത്തിലാണ് ഇന്റലിജൻസ് വിഭാ​ഗം മുന്നറിയിപ്പ് നൽകിയിരിക്കുന്നത്..ഇതിനെത്തുടർന്ന് ഡൽഹിയിലെയും വടക്കേ ഇന്ത്യയിലെയും മുഴുവൻ സി.ആർ.പി.എഫ് യൂണിറ്റുകളോടും ജാ​ഗരൂകമാകാൻ അധികൃതർ നിർദ്ദേശിച്ചു. ആവശ്യമെങ്കിൽ വിവിധയിടങ്ങളിൽ കൂടുതൽ സേനാം​ഗങ്ങളെ വിന്യസിക്കാനും നിർദ്ദേശമുണ്ട്.