സമൂസ ഇഷ്ടമല്ലാത്തവരായി ആരും കാണില്ല. കുട്ടികൾക്കും മുതിർന്നവർക്കും ഒരുപോലെ പ്രിയങ്കരമായ വിഭവമാണ് സമൂസ. വ്യത്യസ്ഥവും രുചികരവുമായൊരു ചിക്കൻ സമോസ റെസിപ്പി പരീക്ഷിച്ചാലോ?​

ആവശ്യമുള്ള ചേരുവകൾ

• ഉരുളകിഴങ്ങ് - 2 എണ്ണം
• എല്ലില്ലാത്ത ചിക്കൻ - 4 പീസ്
• സവാള - 2
• പച്ചമുളക് - 5
• ഇഞ്ചി-വെളുത്തുള്ളി പേസ്റ്റ് - 1 ടേബിൾ സ്പൂൺ
• മല്ലിപ്പൊടി - 1 ടീ സ്പൂൺ
• മഞ്ഞൾപ്പൊടി - അര ടീ സ്പൂൺ
• മസാലപൊടി - അര ടീ സ്പൂൺ
• ഉപ്പ് - ആവശ്യത്തിന്
• സമൂസ ലീഫ്

ഫില്ലിങ്ങ്

1. ഉരുളക്കിഴങ്ങ് ചെറിയ കഷണങ്ങൾ ആക്കി മഞ്ഞൾ പൊടിയും ഉപ്പും ചേർത്ത് വേവിക്കുക.
2. എല്ലില്ലാത്ത ചിക്കൻ വേവിച്ച് മിക്സിയിൽ പൊടിച്ച് എടുക്കുക.
3. ഒരു പാനിൽ എണ്ണ ചൂടാക്കി സവാളയും, പച്ചമുളകും ഇഞ്ചി-വെളുത്തുള്ളി പേസ്റ്റും പാകത്തിനു ഉപ്പ് ചേർത്ത് വഴറ്റുക. ഇതിലേക്ക് മഞ്ഞൾപൊടിയും മല്ലിപൊടിയും ചേർത്ത ശേഷം ചിക്കനും ഉരുളക്കിഴങ്ങും ചേർത്ത് ഇളക്കുക.

പാകം ചെയ്യുന്ന വിധം

സമൂസ ലീഫ് എടുത്ത് അതിലേക്ക് ഈ ഫില്ലിങ് നിറച്ച് ത്രികോണാകൃതിയിൽ മടക്കുക. ലീഫിൽ നിന്നും ഫില്ലിങ് പുറത്ത് പോകാതിരിക്കാൻ അല്പം മൈദ പൊടി വെള്ളത്തിൽ മിക്സ്‌ ചെയ്തത് മടക്കിന്റെ സെെഡിൽ ഒട്ടിച്ചാൽ മതി. ഇതിനെ തിളച്ച എണ്ണയിൽ വറുത്ത് കോരിയാൽ രുചികരമായ സമൂസ റെഡി.