ന്യൂഡൽഹി: ഒഡിഷയിൽ പരിശീലന പറക്കലിനിടെ ചെറുവിമാനം തകർന്നു വീണ് പരിശീലകനും വിദ്യാർത്ഥിയും മരിച്ചു. ഒഡിഷയിലെ ദേൻകനാൽ ജില്ലയിലെ ബിരാസൽ ബേസിലെ സർക്കാർ ഏവിയേഷൻ ട്രെയിനിംഗ് ഇൻസ്റ്റിറ്റ്യൂട്ടിലാണ് അപകടം. പരിശീലകൻ സഞ്ജയ് ഝാ, വിദ്യാർത്ഥി അനീഷ് ഫാത്തിമ എന്നിവരാണ് മരിച്ചത്. ചെറുവിമാനം പറന്നുയർന്ന് അൽപ്പ സമയത്തിനകം തകർന്നു വീണതായി ദേൻകനാൽ പൊലീസ് സൂപ്രണ്ട് അനുപമ ജെയിംസ് പറഞ്ഞു.