കോട്ടയം : വിദ്യാർത്ഥികളോ‌‌ട് സഭ്യേതരമായ ഭാഷയിൽ സംസാരിക്കുന്നെന്ന പരാതി ചേർപ്പുങ്കൽ ഹോളിക്രോസ് കോളേജ് പ്രിൻസിപ്പൽ ഫാ. ജോസഫ് ഞാറക്കാട്ടിലിനെതിരേ നേരത്തേ ഉണ്ടായിരുന്നെന്ന് വിദ്യാർത്ഥികൾ പറയുന്നു. വിദ്യാർത്ഥികളായാലും അദ്ധ്യാപകരായാലും മറ്റുള്ളവരു‌ടെ മുന്നിൽ വച്ച് അശ്ളീലം പറഞ്ഞ് അപമാനിക്കാൻ ഇദ്ദേഹം മടിക്കാറില്ലത്രേ. സ്വന്തം പിതാവിനൊപ്പം കാറിൽ വന്ന ഒരു വിദ്യാർത്ഥിനിയോട് മോശമായി സംസാരിച്ചതിന്റെ പേരിൽ തു‌ടക്കത്തിലേ വിവാദത്തിൽപ്പെട്ടിട്ടുമുണ്ട്. സോഷ്യൽ മീഡിയയിൽ ഇക്കാര്യം ചൂണ്ടിക്കാട്ടിയ വിദ്യാർത്ഥികളെ ഭീഷണിപ്പെടുത്തിയെന്നും ആക്ഷേപം ഉയർന്നിരുന്നു.