ന്യൂഡൽഹി: രാജ്യത്തെ 70 ജില്ലകളിൽ ഐ.സി.എം.ആ‍ർ നടത്തിയ സെറോളജിക്കൽ സർവേ ഫലം പുറത്ത്. കണ്ടെയ്‍ൻമെന്റ് സോണുകളിൽ രോഗബാധ 15 മുതൽ 30 ശതമാനം വരെയെന്ന് ഐ.സി.എം.ആർ നടത്തിയ സർവേയിൽ കണ്ടെത്തി. പലരിലും നേരിയ ലക്ഷണങ്ങളുമായി ഇതിനോടകം രോഗം വന്നുപോയിട്ടുണ്ടാകാമെന്നും സർവേയിൽ പറയുന്നു. രാജ്യത്തെ 70 ജില്ലകളിലെ 24,000 പേരുടെ രക്തസാംപിളാണ് പരിശോധിച്ചത്. റിപ്പോർട്ട് ആരോഗ്യ മന്ത്രാലയത്തിനും പ്രധാനമന്ത്രിയുടെ ഓഫീസിനും കൈമാറി.

അതേസമയം കൊവിഡ് രോഗബാധിതരുടെ എണ്ണം രാജ്യത്ത് രണ്ടര ലക്ഷം പിന്നിട്ടു. ആകെ 2,56,611 പേര്‍ക്കാണ് ഇതുവരെ രോഗം സ്ഥിരീകരിച്ചതെന്ന് ആരോഗ്യമന്ത്രാലയം പുറത്ത് വിട്ട കണക്കുകള്‍ വ്യക്തമാക്കുന്നു. കൊവിഡിൽ മരണം ഏഴായിരം കടന്നു. ആകെ മരണ സംഖ്യ 7135 ആയി. 2