ലോകത്തിലെ ഏറ്റവും ജനപ്രിയമായ മെസേജിംഗ് സർവ്വീസാണ് വാട്സ്ആപ്പ്. 2 ബില്ല്യൺ ഉപയോക്താക്കളാണ് വാട്സ്ആപ്പിനുള്ളത്. അതിനാൽ തന്നെ ഉപഭോക്താക്കൾക്ക് അവർ ആഗ്രഹിക്കുന്ന തരത്തിൽ വാട്സ്ആപ്പ് അപ്‌ഡേറ്റ് ചെയ്യാനായി കമ്പനി പലതരത്തിൽ ശ്രമിക്കാറുണ്ട്. അതിന്റെ ഭാഗമായി അടുത്തിടെ വാട്സ്ആപ്പ് ഡാർക്ക് മോഡും വീഡിയോ കോളിംഗിൽ കൂടുതൽ ആളുകളെ ഉൾപ്പെടുത്തുക തുടങ്ങി നിരവധി അപ്ഡേഷനുകളാണ് കമ്പനി പുറത്തിറക്കിയത്.
എന്നാൽ ഉപഭോക്താക്കൾക്കായി വീണ്ടും പുതിയ സവിശേഷതകളുമായി വന്നിരിക്കുകയാണ് വാട്സ്ആപ്പ്.
ഒരേ സമയം ഒറ്റ അക്കൗണ്ട് പല ഡിവൈസുകളിൽ
വാട്സ്ആപ്പ് മാസങ്ങളായി ഒന്നിലധികം ഉപകരണ പിന്തുണ പരീക്ഷിക്കുകയാണ്. പരീക്ഷണം വിജയിച്ചാൽ, ഒരേ സമയം ഒന്നിലധികം ഉപകരണങ്ങളിൽ നിന്ന് ഉപയോക്താക്കൾക്ക് അവരുടെ വാട്സ്ആപ്പ് അക്കൗണ്ടിലേക്ക് ലോഗിൻ ചെയ്യാൻ സാധിക്കും. നിലവിൽ, ഉപയോക്താക്കൾക്ക് അവരുടെ ഫോണിൽ നിന്ന് മാത്രമേ തങ്ങളുടെ വാട്സ്ആപ്പ് അക്കൗണ്ടിൽ ലോഗ് ഇൻ ചെയ്യാൻ സാധിക്കൂ, എന്നാൽ മറ്റൊരു ഡിവൈസിൽ നിന്ന് ലോഗ് ഇൻ ചെയ്യാൻ ശ്രമിച്ചാൽ ആദ്യത്തെ ഡിവൈസിൽ നിന്ന് ലോഗ് ഔട്ട് ആകാറാണ് പതിവ്. അതിനാൽ തന്നെ ഈ പുതിയ ഫീച്ചർ ഉപഭോക്താക്കൾക്ക് വളരെ ഫലപ്രധമാകും എന്നാണ് കമ്പനിയുടെ പ്രതീക്ഷ.
ക്യുആർ കോഡ്
ക്യുആർ കോഡ് വഴി കോൺടാക്റ്റിൽ ആളെ ചേർക്കാം. സ്നാപ്പ്ചാറ്റിലും ഇൻസ്റ്റഗ്രാമിലുമുള്ള ഈ ഫീച്ചർ ഉടൻ തന്നെ വാട്സ്ആപ്പിന്റെ ആൻഡ്രോയ്ഡ്, ഐഒഎസ് പതിപ്പുകളിലും ലഭ്യമാക്കും.അതിനാൽ തന്നെ ഉപഭോക്താക്കൾക്ക് ക്യുആർ കോഡ് സ്കാൻ ചെയ്ത് വാട്സ്ആപ്പിൽ കോൺടാക്റ്റ് ആഡ് ചെയ്യാം.
അദൃശ്യമാകുന്ന മെസേജുകൾ
സ്നാപ്പ് ചാറ്റ് പോലുള്ള ആപ്പുകളിലുള്ള അദൃശ്യമാകുന്ന മെസേജുകൾ ഇനി വാട്സ്ആപ്പിന്റെ പുതിയ പതിപ്പിലും അവതരിപ്പിക്കും. വാട്സ്ആപ്പ് സ്റ്റാറ്റ്സ് പോലെ നിശ്ചിത സമയ പരിതി കഴിഞ്ഞാൽ മെസേജുകളും ഇല്ലാതാകുന്ന തരത്തിലുള്ളതാണ് ഈ പുതിയ ഫീച്ചർ. ഈ ഫീച്ചാർ എനേബിൾ ചെയ്താൽ മെസേജുകൾ നിശ്ചിത സമയം കഴിയുമ്പോൾ ഇല്ലാതാകും.
ഇൻ ആപ്പ് ബ്രൗസിംഗ്
വെബ് ബ്രൗസറിലേക്ക് റീഡയറക്ട് ചെയ്യാതെ തന്നെ സന്ദേശമയയ്ക്ക്ൽ അപ്ലിക്കേഷനിൽ ചാറ്റുകളിലൂടെ അയച്ച ലിങ്കുകൾ തുറക്കാൻ ഉപയോക്താക്കളെ അനുവദിക്കുന്ന ഒരു ഇൻ-ആപ്പ് ബ്രൗസർ സവിശേഷതയും വാട്സ്ആപ്പ് പ്രവർത്തിക്കുന്നു. അപ്ലിക്കേഷനിലെ ബ്രൗസർ സവിശേഷത ലിങ്കുകൾ തുറക്കുന്നതിനുള്ള സമയം കുറയ്ക്കുന്നു. ട്വിറ്റർ, ലിങ്ക്ഡ് ഇൻ എന്നിവയുൾപ്പെടെ ധാരാളം ആപ്ലിക്കേഷനുകളിൽ ഇത് ലഭ്യമാണ്. സുരക്ഷിതമല്ലാത്ത വെബ് പേജുകൾ കണ്ടെത്താനുള്ള സാകര്യവും ഇതിലുണ്ട്.
ഫോണില്ലാതെ വെബ് വാട്സ്ആപ്പ്
നിലവിൽ ഫോണിൽ വാട്സ്ആപ്പ് ആക്റ്റീവ് ആയിരിക്കുകയും ഇന്റർനെറ്റ് കണക്ഷൻ ഉണ്ടെങ്കിലും മാത്രമാണ് നമുക്ക് ഡെസ്ക്ടോപ്പിൽ വാട്സ്ആപ്പ് ഉപയോഗിക്കാൻ സാധിക്കൂ. വാട്സ്ആപ്പ് ബീറ്റ ഇൻഫോയുടെ റിപ്പോർട്ട് പ്രകാരം യൂണിവേഴ്സൽ വിൻഡോസ് പ്ളാറ്റ്ഫോം സിസ്റ്റം നിലവിൽ വന്നാൽ ഫോൺ ഓഫാണെങ്കിലും ഡെസ്ക്ടോപ്പിൽ വാട്സ്ആപ്പ് ഉപയോഗിക്കാൻ സാധിക്കും. അതിനാൽ തന്നെ യൂണിവേഴ്സൽ വിൻഡോസ് പ്ളാറ്റ്ഫോം സിസ്റ്റത്തിന്റെ പണിപുരയിലാണ് വാട്സ്ആപ്പ് ഇപ്പോൾ.