നാടൻ വിഭവങ്ങൾ ഇഷ്ടപ്പെടാത്തവരായി ആരും കാണില്ല. തനി നാടൻ രുചിയിൽ വ്യത്യസ്ഥമായൊരു കപ്പ പുഴുക്കും ബീഫ് തോരനും പരീക്ഷിച്ചാലൊ?​

ബീഫ് തോരൻ ആവശ്യമുള്ള ചേരുവകൾ

ബീഫ് - ഒന്നര കിലോ

ഇഞ്ചി ചതച്ചത് - 50 ഗ്രാം

വെളുത്തുള്ലി ചതച്ചത് - 25 ഗ്രാം

പച്ച മുളക് ചതച്ചത് - 10 എണ്ണം

ചെറിയ ഉള്ളി ചതച്ചത് - അര കിലോ

ഇറച്ചി മസാല - 2 സ്പൂൺ

വെളിച്ചെണ്ണ - ആവശ്യത്തിന്

കടുക് - ആവശ്യത്തിന്

വറ്രൽ മുളക് - 4 എണ്ണം

മഞ്ഞൾ പൊടി - അര സ്പൂൺ

മുളക് പൊടി - 2 ടേബിൾ സ്പൂൺ

തേങ്ങ ചിരകിയത് - ആവശ്യത്തിന്

പാകം ചെയ്യേണ്ട വിധം

മഞ്ഞൾപ്പൊടി,​ ഉപ്പ്,​ ഇഞ്ചി,​ വെളുത്തുള്ളി,​ പച്ചമുളക് എന്നിവ ചേർത്ത് ബീഫ് നന്നായി വേവിക്കുക. ശേഷം ഒരു പരന്ന പാത്രം ചൂടാക്കി അതിലേയ്ക്ക് വെളിച്ചെണ്ണ ഒഴിക്കുക. എണ്ണ ചൂടാകുമ്പോൾ കടുക്,​ വറ്റൽ മുളക്,​ കരിവേപ്പില,​ വെളുത്തുള്ളി ചതച്ചത്,​ ഉള്ലി ചതച്ചത്,​ മഞ്ഞൾ പൊടി,​ പച്ചമുളക്,​ ഇഞ്ചി ചതച്ചത് എന്നിവ ആവശ്യത്തിന് ഉപ്പ് ചേർത്ത് നന്നായി വഴറ്റുക. ഇതിൽ വേവിച്ച ബീഫ് ചേർത്ത് 5 മിനിട്ട് പാകം ചെയ്യുക. ഇതിലേയ്ക്ക് മസാലക്കൂട്ടും മുളക് പൊടിയും തേങ്ങ ചിരകിയതും ചേർക്കുക. 5 മിനിട്ടിന് ശേഷം കറിവേപ്പില ചേർത്ത് വാങ്ങി വെയ്ക്കാം.

കപ്പ പുഴുങ്ങിയത്

ആവശ്യത്തിന് വെള്ളം ചേർത്ത് വേവിച്ച കപ്പയിൽ,​ വറുത്ത് വെച്ചിരിക്കുന്ന കടുക്,​ ഉഴുന്ന് പരിപ്പ്, ​വറ്റൽ മുളക്,​ കരിവേപ്പില എന്നിവ താളിച്ച ശേഷം ചിരകിയ തേങ്ങ ചേർത്തെടുക്കുക. രുചികരമായ ബീഫ് തോരനൊപ്പം ചൂടോടെ വിളമ്പാം.