റിയാദ്: ഗൾഫിൽ കൊവിഡ് ബാധിതരുടെ എണ്ണം മൂന്നു ലക്ഷം കടന്നു. സൗദിയിൽ കൊവിഡ് മരണവും രോഗികളുടെ എണ്ണവും കുത്തനെ ഉയരുന്നത് വലിയ ആശങ്ക ഉയർത്തുന്നു. ആകെ മരണങ്ങളിൽ പകുതിയിലധികവും സൗദിയിലാണ്. അതേസമയം, യു.എ.ഇ, കുവൈറ്റ്, ഖത്തർ, ബഹ്റൈൻ എന്നിവിടങ്ങളിൽ രോഗമുക്തി നേടുന്നവരുടെ എണ്ണം ഉയരുന്നത് ആശ്വാസമാണ്.

ജനുവരി 29 ന് യു.എ.ഇയിലാണ് ഗൾഫിൽ ആദ്യമായി കൊവിഡ് 19 സ്ഥിരീകരിച്ചത്. 102 ദിവസം പിന്നിട്ടപ്പോൾ രോഗബാധിതരുടെ എണ്ണം ഒരുലക്ഷമായി. ഒരുലക്ഷത്തിൽ നിന്ന് രണ്ടു ലക്ഷത്തിലേക്കെത്തിയത് 16 ദിവസം കൊണ്ടാണ്. അതേസമയം,​ സൗദിയിൽ തുടർച്ചയായ ഒൻപതാം ദിവസവും 30 ൽ അധികം മരണം റിപ്പോർട്ട് ചെയ്യപ്പെട്ടത് ആശങ്കജനകമാണ്. ഗൾഫിൽ ആകെ മരിച്ച 1614 പേരിൽ 857 പേരും സൗദിയിലാണ്. 1738 പേരാണ് രാജ്യത്ത് തീവ്രപരിചരണ വിഭാഗത്തിലുള്ളത്. തുടർച്ചയായ ആറാം ദിവസവും സൗദിയിൽ രോഗബാധിതരുടെ എണ്ണം മൂവായിരത്തിലധികമാണ്. യു.എ.ഇയിൽ പ്രവാസികളും സ്വദേശികളും അടക്കം 90ലക്ഷത്തോളം പേർക്കും പരിശോധന നടത്താനൊരുങ്ങുകയാണ് ആരോഗ്യമന്ത്രാലയം.

ഇരുകയ്യും നീട്ടി യു.എ.ഇ

കൊ​വി​ഡി​നെ തു​ട​ർ​ന്ന്​ പ്ര​വാ​സി​ക​ൾ​ക്ക്​ നാ​ട്ടി​ലേ​ക്ക്​ തി​രി​ച്ചു​പോ​കു​ന്ന​തി​ന്​ സൗ​ക​ര്യ​മൊ​രു​ക്കു​ന്ന​തി​നൊ​പ്പം, മ​ട​ങ്ങി​വ​രാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ സ്വാ​ഗ​ത​മോ​തി യു.​എ.​ഇ. മ​റ്റ്​ രാ​ജ്യ​ങ്ങ​ളി​ൽ നി​ന്ന്​ ര​ണ്ടു​ല​ക്ഷം പേ​രെ യു.​എ.​ഇ​യി​ൽ എ​ത്തി​ക്കാ​നാ​ണ്​ പ​ദ്ധ​തി​യെ​ന്ന്​ വി​ദേ​ശ​കാ​ര്യ മ​ന്ത്രാ​ല​യം അറിയിച്ചു. ഇ​തി​ന്റെ ഭാ​ഗ​മാ​യി റ​സി​ഡ​ന്റ് വി​സ​ക്കാ​ർ​ക്ക്​ യു.​എ.​ഇ​യി​ലേ​ക്ക്​ മ​ട​ങ്ങി​യെ​ത്താ​ൻ സൗ​ക​ര്യ​മൊ​രു​ക്കി​യി​ട്ടു​ണ്ട്. ഇ​തു​വ​രെ 31,000 പേ​ർ തി​രി​ച്ചെ​ത്തി. അ​ടു​ത്ത ദി​വ​സ​ങ്ങ​ളി​ലാ​യി കൂ​ടു​ത​ൽ പേ​ർ​ക്ക്​ അ​നു​മ​തി ന​ൽ​കും. ഈ മാസം ഒ​ന്നു​മു​ത​ലാ​ണ്​ ര​ജി​സ്​​ട്രേ​ഷ​ൻ ആ​രം​ഭി​ച്ച​ത്.