മുഖ്യമന്ത്രി പിണറായി വിജയന്റെ മകളായ വീണയും ഡി.വൈ.എഫ്.ഐ അദ്ധ്യക്ഷനായ മുഹമ്മദ് റിയാസും വിവാഹിതരാകുന്നുവെന്ന വാർത്ത പല കോണുകളിൽ നിന്നും പല തരത്തിലുള്ള പ്രതികരണങ്ങൾക്കാണ് കാരണമായത്. ചിലർ ഇക്കാര്യത്തിന് വർഗീയമായ മാനം നൽകികൊണ്ട് അങ്ങേയറ്റം മോശമായി ഇരുവരെയും അപഹസിക്കുകയും ചെയ്തു. ഇത്തരത്തിലെ മോശം പ്രതികരണങ്ങളെ സോഷ്യൽ മീഡിയ രൂക്ഷമായി വിമർശിക്കുകയും ചെയ്‌തിരുന്നു.

ഇപ്പോൾ സംഭവത്തിൽ പ്രതികരിച്ചുകൊണ്ട് സാമൂഹികപ്രവർത്തകയും അച്ഛന്റെ സഹോദരിയുമായ ഷീബ അമീർ ഫേസ്ബുക്ക് വഴി രംഗത്തെത്തിയിരിക്കുകയാണ്. ഈ വിഷയത്തിൽ പ്രതികരിക്കാതിരിക്കുന്നത് ശരിയല്ല എന്നതിനാലാണ് താൻ ഇപ്പോൾ ഇക്കാര്യം പറയുന്നതെന്ന് പറഞ്ഞുകൊണ്ടാണ് ഷീബ തന്റെ കുറിപ്പ് ആരംഭിക്കുന്നത്. റിയാസിനൊപ്പമാണ് താൻ എന്നും ഷീബ അമീർ കുറിപ്പിന്റെ തുടക്കത്തിൽ പറയുന്നു.

ഷീബ അമീറിന്റെ കുറിപ്പിന്റെ പൂർണരൂപം ചുവടെ:

'With you PA Mohamed Riyas

മുഹമ്മദ് റിയാസിനെക്കുറിച്ച് ഇടത്തും വലത്തും വരുന്ന FB post കൾ കണ്ട് ഇനിയും പ്രതികരിക്കാതിരിക്കുന്നത് ശരിയല്ല എന്നതിനാലാണ് ഞാൻ ഇതെഴുതുന്നത്...

വിവാഹ വാർഷീകത്തിൽ ഇങ്ങനെ ആയിരിക്കും എന്ന് പരിഹസിച്ചു കൊണ്ട് വീണയെ പർദ്ദയിടീച്ച് വന്ന പോസ്റ്റുകളും കാണാൻ ഇടയായി...
മുഹമ്മദ് റിയാസിൻ്റെ കുടുംബത്തെക്കുറിച്ച് അറിയില്ലെങ്കിൽ ഞാൻ പറയാം..

കേരളത്തിൻ്റെ രാഷ്ടീയ സാംസ്ക്കാരിക സാഹിത്യ രംഗങ്ങളിൽ വ്യക്തിമുദ്ര പതിപ്പിച്ച അനേകം വ്യക്തിത്വങ്ങൾ ജീവിച്ച വീട്ടിലെ ഒരു കണ്ണിയാണ് മുഹമ്മദ് റിയാസ്..

The Uncrowned king of kudallor എന്ന് കോടതി വിധിയിൽ വന്ന കൂടല്ലൂർ കുഞ്ഞുവിൻ്റെ (പള്ളിമഞ്ഞാലിൽ ) കുടുംബമാണ് റിയാസിൻ്റേത്..
കൂടല്ലൂർ കുഞ്ഞഹമ്മദ് സാഹിബിൻ്റെ മൂത്ത മകൻ പി.കെ. മുഹമ്മദ് (എക്സസൈസ് കമ്മീഷണർ ) ആയിരുന്നു..

ഭാര്യ ആയിഷ (ലണ്ടൻ ഹൈക്കമ്മീഷണർ ആയിരുന്ന സെയ്ത് മുഹമ്മദ് ൻ്റെ പെങ്ങൾ )
ഈ ദമ്പതികളുടെ മകനാണ് റിയാസിൻ്റെ വാപ്പ അബ്ദുൾ ഖാദർ (വിശിഷ്ട സേവാമെഡൽ നേടിയ റിട്ട: പോലീസ് കമ്മീഷണർ )
അവരുടെ ഒരു ജേഷ്ഠസഹോദരൻ ആണ് പി.എം അബ്ദുൾ അസീസ്, പൂന ഫിലിം ഇൻസ്റ്റിറ്റ്യൂട്ടിൽ ആദ്യ ബാച്ച് സംവിധാനം പഠിച്ചയാൾ. (ഡോക്യുമെൻററി സിനിമകൾക്ക് കേന്ദ്ര സംസ്ഥാന അവാർഡുകൾ നേടിയിട്ടുണ്ട് )