ന്യൂഡൽഹി : രാത്രി കർഫ്യുവിൽ ഇളവ് നൽകി കേന്ദ്ര സർക്കാർ. ട്രക്കുകൾക്കും അവശ്യസാധനങ്ങളുടെ നീക്കത്തിനും കർഫ്യൂ ബാധകമല്ല. ബസുകളിലെ യാത്രയ്ക്കും വിലക്കില്ല. ബസ്, ട്രെയിൻ സ്റ്റേഷനുകളിൽ ഇറങ്ങി വീട്ടിലേക്ക് പോകുന്നവരെയും തടയരുതെന്നാണ് നിർദ്ദേശം.

അതേസമയം കൊവിഡി വ്യാപനത്തെതുടർന്ന് അഞ്ച് സംസ്ഥാനങ്ങൾക്ക് കേന്ദ്രം ജാഗ്രതാനിർദ്ദേശം നൽകിയിട്ടുണ്ട്. മഹാരാഷ്ട്ര, തമിഴ്നാട്, ‌ഡൽഹി, രാജസ്ഥാൻ, ഉത്തർപ്രദേശ് എന്നീ സംസ്ഥാനങ്ങൾക്കാണ് നിർദ്ദേശം നൽകിയിരിക്കുന്നത്. ഈ സംസ്ഥാനങ്ങളിലെ മരണ നിരക്ക് ദേശീയ ശരാശരിയേക്കാൾ മുകളിലാണ്. ദേശീയ ശരാശരി 2.8 ശതമാനമെങ്കിൽ അഞ്ച് ശതമാനമാണ് ഈ സംസ്ഥാനങ്ങളിലെ ശരാശരി നിരക്ക്. കൊവിഡ് മാസങ്ങളോളം നീണ്ടുനിൽക്കുമെന്ന മുന്നറിയിപ്പുകൾക്കിടെ വെന്റിലേറ്റർ,​ ഐ.സി.യു അടക്കമുള്ള സംവിധാനങ്ങൾ ഓഗസ്റ്റോടെ നിറയുമെന്നും കൂടുതൽ കരുതൽ വേണമെന്നുമാണ് മുന്നറിയിപ്പ്.