മുംബയ്: മഹാരാഷ്ട്രയിൽ കൊവിഡ് രോഗം ബാധിച്ചവരുടെ എണ്ണം ഒരു ലക്ഷം കടന്നതായി റിപ്പോർട്ട്. ഇന്ന് 3493 പുതിയ കേസുകൾ കൂടി റിപ്പോർട്ട് ചെയ്തതോടെയാണ് സംസ്ഥാനത്തെ കൊവിഡ് രോഗികൾ 1,01,141 ആയി ഉയർന്നത്. ഇന്ന് മാത്രം സംസ്ഥാനത്ത് 127 പേർ രോഗം മൂലം മരണമടഞ്ഞിട്ടുണ്ട്.

ഇതുവരെ കൊവിഡ് രോഗം കാരണം മരണമടഞ്ഞവരുടെ എണ്ണം 3717 ആണ്. അതേസമയം, 47,793 പേര്‍ പൂര്‍ണ രോഗമുക്തി നേടിയിട്ടുമുണ്ട്. ഇതില് 1718 പേർ ആശുപത്രികളിൽ നിന്നും ഡിസ്‌ചാർജ് ആയിട്ടുണ്ട്.

മഹാരാഷ്ട്രയിൽ കൊവിഡ് ബാധിതരുടെ എണ്ണം നിയന്ത്രണമില്ലാതെ എണ്ണം കൂടുന്ന സാഹചര്യത്തിൽ വീണ്ടും ലോക്ക്ഡൗണ്‍ ഏര്‍പ്പെടുത്തുമെന്ന ആവശ്യം ശക്തമായി ഉയർന്നിരുന്നു. എന്നാൽ മുഖ്യമന്ത്രി ഉദ്ധവ് താക്കറേ ഇക്കാര്യം നിഷേധിക്കുകയാണ് ചെയ്തത്.