ബാങ്കിലെത്താതെ തന്നെ ഇനി അക്കൗണ്ട് തുടങ്ങാം. എസ്.ബി.ഐ ബാങ്ക് വഴിയാണ് ഈ സൗകര്യം ലഭ്യമാവുക. കൊവിഡ് പ്രതിസന്ധിയെ തുടർന്നാണ് എസ്.ബി.ഐയുടെ പുതിയ സേവനം. ഇന്‍സ്റ്റ സേവിംഗ്സ് ബാങ്ക് അക്കൗണ്ട് സംവിധാനം പുനഃരാരംഭിച്ചതിനെതുടര്‍ന്നാണിത്.
അക്കൗണ്ട് ആരംഭിക്കാനായി ബാങ്കിന്റെ യോനോ ആപ്പ് ആദ്യം ഡൗണ്‍ലോഡ് ചെയ്യണം. പാൻ കാർഡോ, ആധാറോ ഉണ്ടെങ്കില്‍ ഡിജിറ്റലായി അക്കൗണ്ട് തുറക്കാം. ഇന്‍സ്റ്റ അക്കൗണ്ട് തുറക്കുന്നവര്‍ക്ക് റൂപെ ഡെബിറ്റ് കാര്‍ഡ് നല്‍കും. നോമിനേഷന്‍ സൗകര്യം, എസ്.എം.എസ് അലര്‍ട്ട്, എസ്.ബി.ഐ ക്വിക്ക് മിസ്ഡ് കോള്‍ സര്‍വീസ് എന്നീ സേവനങ്ങളും ലഭിക്കും. ഒരുവര്‍ഷത്തിനുള്ളില്‍ കെവൈസി രേഖകള്‍ ബാങ്കിലെത്തിച്ചാല്‍ മതിയാകും.
യോനോ ആപ്പില്‍ പാന്‍, ആധാര്‍ വിവരങ്ങള്‍ നല്‍കിയശേഷം ഫോണിലെത്തുന്ന ഒ.ടി.പി കൂടി നല്‍കണം. വ്യക്തിവിവരങ്ങള്‍ക്കൂടി നല്‍കിയാല്‍ നടപടി പൂര്‍ത്തിയാകും. അപ്പോള്‍തന്നെ പണമിടപാടും സാദ്ധ്യമാകും.