കോട്ടയം: കുടുംബകലഹത്തെ തുടർന്ന് പൊലീസുകാരൻ ക്വാർട്ടേഴ്സിന് തീയിട്ടു. കോട്ടയം പൊലീസ് കൺട്രോൾ റൂമിലെ സിവിൽ പൊലീസ് ഓഫീസർ ചെറുകര സ്വദേശി അജിത്താണ് ഇന്നലെ രാത്രി ഏഴുമണിയോടെ താമസിച്ചിരുന്ന ക്വാർട്ടേഴ്സിന് തീയിട്ടത്. വീട്ടിൽ നിന്നും തീയും പുകയും ഉയരുന്നതുകണ്ട് അടുത്തുള്ള ക്വാർട്ടേഴ്സുകളിൽ താമസിച്ചിരുന്നവർ എത്തിയാണ് തീ അണച്ചത്. ഇതിനിടയിൽ ചിങ്ങവനം പൊലീസ് അറിയിച്ചതിനെ തുടർന്ന് അഗ്നിശമന സേനയും എത്തിയിരുന്നു.

ഭാര്യയും മക്കളും ബന്ധുവീട്ടിൽ പോയ സമയം നോക്കിയാണ് ഇയാൾ വീട്ടിൽ ഇരുന്ന പേപ്പറുകളും തുണികളും കൂട്ടിയിട്ട് തീ കൊളുത്തിയത്. തീപടരുന്നതുകണ്ട് ക്വാർട്ടേഴ്സിന്റെ മുറ്റത്ത് ഇയാൾ നില്‌പ്പുണ്ടായിരുന്നു. ഇയാൾക്കെതിരെ ചിങ്ങവനം പൊലീസ് കേസ് എടുത്തിട്ടുണ്ട്.