ഝാൻസി:- ഉത്തർ പ്രദേശിലെ ഝാൻസിയിൽ തുറസ്സായ സ്ഥലത്തെ സർക്കാർ വക ജിമ്മിൽ തനിയെ പ്രവർത്തിക്കുന്ന ഷോൾഡർ പ്രസ് യന്ത്രത്തിന്റെ രഹസ്യം ഝാൻസി പൊലീസ് ഒടുവിൽ കണ്ടെത്തി. ജിമ്മിലെ യന്ത്രം ശക്തിയായി പ്രവർത്തിക്കുന്നതിന്റെ വീഡിയോ സമൂഹ മാദ്ധ്യമങ്ങളിൽ മുൻപ് വൈറലായിരുന്നു. ഫിറ്റ്നസ് പ്രേമിയായ പ്രേതമാണോ അതിന് പിന്നിലെന്ന് ജനങ്ങൾക്കിടയിൽ തമാശ രൂപേണ സംസാരവും ഉണ്ടായി.

Fitness freak ghost 👻?@jhansipolice got a tip off about an open gym being used by ghosts!Team laid seige & soon found t real ghosts-Some mischievous person made video of moving swing & shared on #socialmedia. Miscreants will b hosted in a ‘haunted’ lockup soon #NoHostForGhost pic.twitter.com/JUaYt4IJMS

— RAHUL SRIVASTAV (@upcoprahul) June 12, 2020

ഇതെക്കുറിച്ച് പൊലീസ് നടത്തിയ അന്വേഷണത്തിൽ പ്രേതവും ഭൂതവുമൊന്നുമല്ല ഏതോ സാമൂഹ്യവിരുദ്ധന്മാർ യന്ത്രത്തിൽ കൂടുതൽ ഗ്രീസ് ഇട്ടുകൊടുത്തതാണ് കുഴപ്പങ്ങൾക്ക് കാരണമെന്ന് കണ്ടെത്തി. യന്ത്രം പൊലീസ് പരിശോധിക്കുന്നതിന്റെ വീഡിയോ ട്വിറ്ററിൽ ഝാൻസി പൊലീസ് പോസ്റ്റ് ചെയ്തിട്ടുമുണ്ട്. 'ആരോ മനപ്പൂർവ്വം കുഴപ്പമുണ്ടാക്കാൻ അമിതമായി ഗ്രീസ് പുരട്ടിയ ശേഷം യന്ത്രത്തിന്റെ വീഡിയോ എടുത്ത് പ്രചരിപ്പിച്ചതാണ്. കുറ്റവാളിയെ കണ്ടെത്തും.' ഝാൻസി പൊലീസ് അറിയിച്ചു.