കൊച്ചി: തുടർച്ചയായ എട്ടാം ദിവസവും പൊതുമേഖലാ എണ്ണ വിതരണ കമ്പനികൾ ഇന്ധനവില കൂട്ടി. ഇന്നലെ തിരുവനന്തപുരത്ത് പെട്രോൾ വില ലിറ്ററിന് 62 പൈസ വർദ്ധിച്ച് 77.50 രൂപയായി. ലിറ്ററിന് 60 പൈസ ഉയർന്ന് 71.56 രൂപയാണ് ഡീസൽ വില. ഞായറാഴ്‌ചകളിൽ പൊതുവേ എണ്ണക്കമ്പനികൾ ഇന്ധനവില വർദ്ധിപ്പിക്കാറില്ലെങ്കിലും ഇന്നലെ പതിവു തെറ്റിച്ച് വില കൂട്ടി. എട്ടുദിവസത്തിനിടെ പെട്രോളിന് കൂടിയത് 4.51 രൂപയാണ്; ഡീസലിന് 4.37 രൂപയും.